Juan 11:4

Ipïrhiditadai ïgai ix otoma imiagi Suxi gamoko dïï mai otoma jii ïgai dai bhaiyoma aidïxi máí ïgai ix koko go Lasaro mos potïtïdai ïgai ix makïdï ami darakatadai, —Idi kokodagai ix makïdï oidi go Lasaro maiti ïr mukigamika agai. Idi mos ïr ïmo maaxidaragaika agai xïïxi ïr gïdukami Diuxi— itïtïdai. —Dai idi kokodagaikïdï maaxitudamu Diuxi xïïxi ïr gïdukami aanï ïpï Diuxi Maradïkatai aanï— itïtïdai.