Popular Bible Verses from Rɔmɛri̧ 5

Share

Dáy, Gáŋvbôn tɔ́ʼɔ a̧ní ké zi nárí̧, ka ná pa̧n ɓá ɓéké njukuri ɓáy, Zezú Kiris ziŋ hûl ɓay a manárí̧.

Mbílawké, ma rɔ́ʼɔ nárí̧ nyá, ɓayhí̧lé Gáŋvbôn ɓá zína a mɛ̌ kɔ̧ ɓil law a manárí̧, ka ŋgboro a Têm Pukí a ké hí̧ nárí̧.

Ndé a nɔ́ ɓáy ɓá, ná e ka mûnrína a ɓil tɔ́ʼɔsêe a manárí̧, ɓayhí̧lé, ná tu ɓá tɔ́ʼɔsêeké hí̧ ikilaw, ikilaw hí̧ ewá a kpúnáké a ɓil hɛ̧ lélaw, nǎŋnɔ́ ewá a kpúnáké a ɓil hɛ̧ lélaw, hí̧ mbílaw.

Nǎŋnɔ́, ná ziŋ káwa a ndáráké a mbɛl a Gáŋvbôn ka ŋgboro a láɓulaw a manárí̧, dáy ŋgɛŋnɛ́, ná e ka káwa a vónáké kuu Gáŋvbôn ka ŋgboro a Zezú Kiris Gáŋmbây a manárí̧. Ka ŋgboro a Zezú, pé ná ziŋ ka ŋgboro a láɓulaw ri ɓil béla a Gáŋvbôn, ka ew dát, rá̧ hɛ̧ ka hí̧ nárí̧ lawrína ɓá, kɛrɛ ziŋ káwa a ɓil hɔ̧́na a Gáŋvbôn.

Ɓayhí̧lé, ka ná zi tí ka ŋgɛ́rɛ ten tûl a manárí̧ ka mûn a manárí̧ yá ɓáy, Kiris, a ɓil nâm ka Gáŋvbôn ŋgá̧y, ziŋ hûl, ɓay tûl a ɓéké njukuri.

Rá ma a ŋgɛŋnɛ́, ka ná ziŋ káwa a ndáráké ka ŋgboro a hɛ̧púna a mɛ̌ dáy, pé ké tí pɛ̧́ nárí̧ a ɓil hɛ́rɛ a Gáŋvbôn nyá lé?

Ka ŋgboro a many nzáʼa a njuku mbêw, ɓá njukuri ɓá ŋgɛ̧́náké ri ɓil ɓéké, ɓá mbêwké kɔ́, ka ŋgboro a lá nzáʼa a njuku mbêw, ɓá njukuri ɓá ŋgɛ̧́náké tɛ̧́ njuku a ndárákéri a mbɛl a Gáŋvbôn.

Zi ɔ ɓá a nɔ́ nyá, ná rí mûn a manárí̧ a mbɛl a Gáŋvbôn ɓay tûl a Gáŋmbây a manárí̧ Zezú Kiris, ka ɓay tûlé, ná ziŋ láhá̧na a ŋgɛŋnɛ́ kuu Gáŋvbôn.