Popular Bible Verses from Rɔmɛri̧ 4

Share

A nɔ́ too, Abaraham zi pɔŋ láɓulaw yá, a zi many hí̧nzáʼa a Gáŋvbôn ka hí̧ nɛ́ nyá, ké ziŋ ŋgɛ́rɛ a ɓil láɓulaw a mɛ̌, ka hí̧ ɗéla hí̧ Gáŋvbôn. Abaraham, tu ɓá táŋáké ɓá Gáŋvbôn e ka kpɔ́ŋa niŋ hɛ̧ a ké hí̧nzáʼa ɓayké.

ɓá báŋké ka Mbété sa ɓá: «Mi ɓá mɔ tɛ̧́ zîi a njukuri ɓá ŋgɛ̧́náké.» Abaraham, ɓá bâa manárí̧ a mbɛl a Gáŋvbôn, a ké láɓulaw hí̧ nɛ́y. Gáŋvbôn, ka hí̧ ndísɛ̌ʼɛ hí̧ hûlri, ka ɗí hɛ̧ri̧ ka zi tí bɔʼɔ mbêw yáy, ɓá kú tɛ̧́.

Kú ɓá Zezú ziŋ hûl, ɓay tûl ɓéké a manárí̧, dáy Gáŋvbôn toma nɛ́ a ɓil a hûlri, ɓay a ɓá nárí̧ tɛ̧́ njuku a ndárákéri.

Abaraham láɓulaw, a ɓá kɛrɛ a mɛ̌ too kɔ̧ tûl a Gáŋvbôn. Dáy, ɓá kɛrɛké ná ɓá báŋa hɛ̧ a baaké, nǎŋnɔ́ ké tɛ̧́ zîi a njukuri ɓá ŋgɛ̧́náké, ɓá báŋké ka Gáŋvbôn sa hí̧ nɛ́ ɓá: « Nǎŋnɔ́ pé gun zîi a mɔ̌ri̧ e ŋgɛ̧́nay.»

Ɓaykénɔ́ pé hí̧nzáʼa a Gáŋvbôn ew ɓá tûl láɓulaw mbɛ́ŋ rá̧ ké ná ɓá béla ka njuku ziŋ baa, ka e ka nɛ́rɛ̧ hí̧ gun ɓil a Abarahamri̧ too. Tí ɓá ɓay a njukuri ka tɔ́ŋ sáŋna mbɛ́ŋ nyá, dáy ɓá ɓay a njukuri too, ka láɓulaw ɓá báŋa Abaraham, ka ɓá bâa manárí̧ tooy

«Béla hí̧ njukuri, ka Gáŋvbôn vbá̧buma ɓékéhɛ̧ a kuriri, ka ɓéké a kuriri ziŋ túra tooy! Béla hí̧ njuku ka Gáŋmbây, zi kɛrɛ ɓéké a mɛ̌ mbaay!»

Ɓayhí̧lé Mbété a Gáŋvbôn sa ɓá: «Abaraham láɓulaw hí̧ Gáŋvbôn, dáy Gáŋvbôn ɓá nɛ́ tɛ̧́ njuku a ndáráké, ka ŋgboro láɓulaw a mɛ̌.»