Popular Bible Verses from Génesis 26

Share

Hinaspa forastero hina chay allpapi tiyakuy. Noqaqa qanwanmi kashani. Chayraykun bendecisqayki. Hinaspapas qanman hinallataq mirayniykikunamanmi kay llapallan allpataqa qosqaykichis. Saynapin noqaqa papayki Abrahamman juramentowan prometesqaytaqa cumplisaq.

Noqaqa ashkamanmi mirayniykikunataqa alto cielopi qoyllurkunata hinaraq tukuchisaq. Hinaspan noqaqa kay llapallan allpakunata paykunaman qosaq. Hinaspapas kay pachapi llapallan nacionkunan mirayniykintakama bendecisqa kanqaku. Saynataqa ruwasaq, papayki Abraham noqapa nisqayta, yachachisqayta, kamachisqayta hinallataq leyniykunatapas kasukusqanraykun, nispa.

Hinaqtinmi Isaacqa chay lugarmanta, huk lugarman ripuran. Hinaspan chaypi huk pozota t'oqoran. Ichaqa manañan ni pipas chay lugarpi pozomantaqa discutinakuranñachu. Chayraykun chay pozotaqa suticharan “Libre lugarkunapi pozo” sutiwan. Hinaspan niran: —Kunanqa Señor Diosmi kay lugarkunata qowanchis, kaypi allinta kawsananchispaq, nispa.

Chaypin Señor Diosqa Isaacman rikhuriran. Hinaspan khaynata niran: —Ama Egipto *nacionmanqa riychu. Aswanqa maypin qepakunaykipaq nisqayki, chay allpallapiyá qepakuy.

Hinaqtinmi Isaacqa chay lugarpi huk altarta ruwaran. Hinaspan Señor Diosta yupaycharan. Saynallataqmi chay lugarpi samananpaq carpantapas armaran. Hinaspan Isaacpa sirvienten runakunapas chay lugarpi huk pozota t'oqoranku.