Popular Bible Verses from Génesis 25

Share

Hinaqtinmi Diosqa khaynata niran: —Ishkay wawakunan wiksaykipiqa kashan. Paykunamantan ishkay nacionkuna paqarinqa. Chay ishkay nacionkunan wiksayki ukhumantapacha rakinasqaña kashanku. Huknin kaq nacionmi aswan más atiyniyoq kanqa huknin kaq nacionmantaqa. Kurak kaqmi sullk'a kaqta servinqa, nispa.

Jacobta khaynata niran: —Yarqaypin wañurushaniña. Ama hina kaychu, chay puka picante ruwasqaykita qaraykamuway, nispa. (Chayraykun Esautaqa sutinchallankutaq Edom sutiwanpas). [Nota: Hebreo rimaypiqa Edom sutiqa “puka” ninantan nin.]

Isaacpa warmin Rebecaqa qolluri kasqanraykun, wawayoq kaytaqa mana atiranchu. Chaymi Isaacqa warmin wawayoq kananpaq Diosmanta mañakuran. Chay mañakusqantan Señor Diosqa uyariran. Chaymi Isaacpa warmin Rebecaqa onqoq rikhuriran.

Hinaqtinmi Esauqa niran: —Noqaqa yarqaypin wañurushaniña. Wañuruqtiyri, ¿imapaqtaq serviwanqa kurak kaq derechoyrí? nispa. Chaymi Jacobqa niran: —Kunanpuni juramentota ruwaspa chay kurak kaq derechoykita qoway, nispa. Hinaqtinmi Esauqa huk juramentota ruwaspa, chay kurak kaq derechonta Jacobman qoran.

Qepantañataqmi wawqen nacemuran Esaupa talonninmanta hap'ipayukuspa. Chaymi paymanqa Jacob sutiwan churaranku. Mellizokunata Rebeca onqokushaqtinqa, Isaacqa 60 watanpiñan kasharan. [Nota: Hebreo rimaypiqa Jacob sutiqa “engañaq” otaq “qechukuq” otaq “talón” ninantan nin.]

Isaacqa anchatan wawan Esauta munakuran, salqa animalkuna hap'imusqanta mikhusqanrayku. Ichaqa Rebecañataqmi wawan Jacobta anchata munakuran.