Popular Bible Verses from Marko 12

Share

Eɖo eŋu nɛ be: “Wo dometɔ gbãtɔe nye: ‘O, Israel, see! Aƒetɔ mía Mawu la ɖeka koe nye Aƒetɔ. Eya ta nàlɔ̃ Aƒetɔ wò Mawu la kple wò dzi blibo kple wò luʋɔ blibo kple wò tamesusu blibo kpakple wò ŋusẽ blibo.’ Se vevi eveliae nye: ‘Lɔ̃ hawòvi abe ale si nèlɔ̃ ɖokuiwò ene.’ Se bubu aɖeke megali si le vevie wu esiawo o.”

Yesu yɔ eƒe nusrɔ̃lawo ƒo ƒu gblɔ na wo be: “Nyateƒe tututu tom mele na mi, be ahosi dahe sia ƒe nu si wòda ɖe aɖaka la me la, wu esi ame bubuawo katã tsɔ de nudzɔɖaka la me. Elabe ame siawo katã ƒe nunana tso nu si woɖu kpɔtɔ la me, ke ahosi sia, si da ahe ale gbegbe ya la, nu si dzi wòanɔ agbe ɖo la katãe nye ema wòtsɔ na.”

Yesu bɔbɔ nɔ anyi hedze ŋgɔ nudzɔɖaka la, eye wòlé ŋku ɖe ale si amewo le ga dam ɖe nudzɔɖaka la me la ŋu. Kesinɔtɔ geɖewo da ga home gãwo ɖe eme. Ahosi dahe aɖe va, eye wòtsɔ gaɖuɖua suetɔ kekeake, eve, de nudzɔɖaka la me.

eye be ame nalɔ̃e kple dzi blibo kple gɔmesese blibo kple eƒe ŋusẽ blibo, eye wòalɔ̃ ehavi abe ale si wòlɔ̃ eya ŋutɔ ɖokui ene. Esia wɔwɔ de blibo sãa wu numemewo kple vɔsasawo katã.”

Tete Yesu gblɔ na wo be: “Mitsɔ nu siwo nye Roma Fiagã tɔ la na Roma Fiagã, eye nu siwo nye Mawu tɔ la, mitsɔ wo na Mawu.” Ale woƒe nu ku le Yesu ŋuti.