Popular Bible Verses from Marko 13

Share

Amegbetɔƒomea katã lalé fu mi le tanye. Ke ame si lado dzi sesĩe va se ɖe nuwuwu la, woaxɔe ɖe agbe.

Mikpɔ nyuie, ne mianɔ ŋudzɔ, elabe mienya ɣeyiɣi si nu siawo lava ve me la o.

Ne wode mi asi hekplɔ mi yi ʋɔnudrɔ̃ƒe la, migatsi dzimaɖi do ŋgɔ, le nya si gblɔ ge miala la ŋuti o; ke migblɔ nya si woana mi le ɣe ma ɣi me la ko, elabe menye miawo ŋutɔe aƒo nu o, ke boŋ Gbɔgbɔ Kɔkɔe lae.

Dziƒo kple anyigba nu lava yi, gake nye nyawo nu mava yi akpɔ gbeɖe o.

“Ke ŋkeke ma alo gaƒoƒo ma la, ame aɖeke menyae o. Mawudɔla siwo le dziƒo hã menyae o. Vi la ŋutɔ gɔ̃ hã menyae o. Tɔ́ la dzaa koe nyae.

Ke ne miese aʋawɔwɔ alo aʋawɔwɔ ŋu nyawo la, dzika megatso mia ƒo o; ele be nu siawo nava eme, gake xexea me ƒe nuwuwu la meɖo haɖe o.

Eya ta minɔ ŋudzɔ; elabe mienya ɣeyiɣi si dzi tututu aƒetɔ la agbɔ o. Ate ŋu anye fiẽ, alo zã titina, alo ne koklo ku atɔ, alo ne agu dze la. Ne miele ŋudzɔ o, eye wòva ɖo kpata, heɖi ɖe mi la, ava tu mi le alɔ̃ me. Nya si gblɔm mele na mi la, eya ke gblɔm mele na amewo katã be, ‘Minɔ ŋudzɔ.’ ”

Dukɔwo lawɔ aʋa kple wo nɔewo, eye fiaɖuƒewo latsi tre ɖe wo nɔewo ŋu. Anyigba laʋuʋu le teƒeteƒewo, eye dɔ ato. Ke nu siawo le ko abe fúɖuame ƒe gɔmedzedze ene.

eye ele be woaɖe gbeƒã Nyanyui la na dukɔwo katã gbã.

Ame geɖewo atsɔ nye ŋkɔ ɖe nu ava gblɔ be: ‘Nyee nye Kristo la!’ eye woakplɔ ame geɖewo atrae.

“Gake mikpɔ mia ɖokui dzi nyuie, elabe woatsɔ mi ade asi na ʋɔnudrɔ̃lawo; woaƒo mi le ƒuƒoƒewo; woana miatsi tsitre ɖe mɔ́mefiawo kple dufiawo ŋkume le tanye, bene miaɖi ɖase na wo

Aʋatsokristowo kple aʋatsogbeƒãɖelawo lado, eye woaɖe dzesiwo kple nukunuwo afia be ne woate ŋui la, woaflu ame tiatiawo.

“Le fukpekpe mawo megbe la, ava eme be ɣe ado viviti, eye ɣleti magaɖi o. Ɣletiviwo age tso dziƒo eye ŋusẽ siwo lé dziƒowo ɖe te la agli.