Popular Bible Verses from Luke 6

Share

“Bestow, and it sal be bestown upon you: gude measur, pangʼd doon and jouslʼt thegither, and skailin ower, sal they gie intil yere lap: for wiʼ yere ain measur that ye measur sal it be gien back to ye.”

“The gude man, oot oʼ the gude gear oʼ his ain heart, brings oot what is gude; and the ill man, oot oʼ the ill, what is ill; for, oot oʼ the owercome oʼ his heart his mouʼ speaks.

“But loʼe yeʼre enemies, and do them gude, and lend, lookin for naething back; and yere meed sal be great, and ye sal be bairns oʼ the Maist Heigh; for he is kindlie to the ungratefuʼ and the reprobate.

“Be ye than mercifuʼ, eʼen as yere Faither is mercifuʼ.

“And judge‐na, and yeʼse be‐na judged: condemn‐na, and yeʼse be‐na condemned: release, and yeʼse be released.

“But I say to you wha hear: loʼe yere faes! do gude to them wha hate ye. “Be blessin them that ban ye; pray for them that ill‐use ye.

“And as ye wad that men soud do to yersels, do ye eʼen the same to them likewise.

“To him that clours ye on ae cheek, gie eʼen the ither; and frae him wha poinds yere coat, withhaud‐na yere cloak as weel. Bestow on ilk ane wha seeks frae ye; and frae him wha taks awa yere gudes, ask them no again.

“For a sounʼ tree brings‐na forth feckless frute, nor dis a feckless tree bring forth gude frute.

“For ilka tree may be kent by its ain frute: for folk gaither‐na figs oʼ thistles, nor oʼ a bramble gaither they grapes.