Popular Bible Verses from Luke 7

Share

“Sae, say I tʼye, Her mony sins hae been forgiʼen; for she loʼed muckle; but to wham little is forgiʼen, he loʼes little.” And he said till her, “Yere sins are forgiʼen.”

But he said to the wumman, “Yere faith has saved ye! Gang in peace!”

And stauninʼ ahint him, at his feet, she begude to weet his feet wiʼ her tears; and wiped the tears aff wiʼ her hair; and was kissin his feet, and crystit them wiʼ the perfume.

“And sae naither thocht I mysel wardie to come till ye; but speak wiʼ a word, and my servin‐lad sal be hale. “For eʼen I mysel am ane set under authoritie, and haein under me sodgers; and I say to ane, ‘Gang,’ and he gangs; and to anither, ‘Come,’ and he comes; and to my servin‐lad, ‘Do this,’ and he dis it.” And whan Jesus heard thae words, he ferlied at him; and turnin to the thrang that followʼt him, said, “I say tʼye, I hae‐na fund sic leal faith, na, no in Israʼl!”

At that ʼoor he healed mony oʼ their ills and plagues, and foul spirits; and on mony blinʼ he bestowed sicht. And Jesus answerin, said to them, “Gang yere ways, and cairry word to John what ye saw and heard: hoo the blinʼ win their sicht, the lameters gang aboot, lepers are made clean, the deif hear, the deid are raised, and the needy hae the joyfuʼ message preached to them.