Popular Bible Verses from हिब्रूहरू 13

Share

तिमीहरूको जीवनशैली पैसाको प्रेमदेखि मुक्‍त होस्, र तिमीहरूसित जे छ त्यसैमा सन्तुष्‍ट रहो; किनकि परमेश्‍वरले धर्मशास्त्रमा भन्‍नुभएको छ, “म तिमीहरूलाई कहिल्यै छोड्नेछैनँ, म तिमीहरूलाई कहिल्यै त्याग्नेछैनँ।”

येशू ख्रीष्‍ट हिजो, आज अनि सदा-सर्वदा एकसमान हुनुहुन्छ।

यसकारण हामी आत्मविश्‍वाससहित भन्दछौं, “प्रभु मेरा सहायक हुनुहुन्छ, म कहिल्यै डराउँनेछैनँ। मानिसले मलाई के गर्न सक्छ र?”

अनि भलाइ गर्न र अरूसित बाँडचुँड गर्न नबिर्स; किनकि यस्तो बलिदानद्वारा परमेश्‍वर प्रसन्‍न हुनुहुन्छ।

यसकारण हामी येशूद्वारा परमेश्‍वरलाई सदैव प्रशंसाको बलिदान चढाऔं, जो उहाँको नाउँ स्वीकार गर्ने हाम्रो ओठको फल हो।

विवाहलाई सबैले आदरणीय मानून्, अनि ओछ्यान नबिटुलियोस्; किनकि परमेश्‍वरले व्यभिचारी र सबै अनैतिक सम्बन्धहरूको न्याय गर्नुहुन्छ।

अपरिचितहरूको पाहुनासत्कार गर्न नबिर्स; किनकि यसो गरेर कति मानिसहरूले अन्जानमै स्वर्गदूतहरूलाई सत्कार गरेका छन्।

अब शान्तिका परमेश्‍वर, जसले अनन्तको करारको रगतद्वारा भेडाका महान् गोठाला हाम्रा प्रभु येशूलाई मरेकाबाट जीवित पार्नुभयो, उहाँले आफ्नो इच्छा पूरा गर्न तिमीहरूलाई हरेक असल थोकले सुसज्जित पारून्। येशू ख्रीष्‍टद्वारा उहाँलाई मनपर्ने कामहरू उहाँले हामीमा गरेका होऊन्। उहाँलाई नै सदा-सर्वदा महिमा होस्। आमेन!