Popular Bible Verses from Thupualaakna 11

Share

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.

Pathian he ngawlte sia thin uukna taw kidim hi, banghang ziam cile na thin uuk tu hun le, a thite tungah thu na khen tu hun hong theng zo hi. Na naseam kamsaangte, a lian a no nang hong thasia theampo minphatna thaman na piak tu hun hi zo a, Leitung a lalsakte na lalsak tu hun hong theng zo hi!” ci hi.

Ka tetti te nii khau-ip puan silh in, ka paisak tu a, amate in ni 1,260 sung teng Pathian ii thu vaithak thangsak tu uh hi,” hong ci hi.

Ni thum le ni lang zawkciang, Pathian kung pan nuntakna a pia husanna hong pai in, amate sungah tum a, tuaciangin amate hong dingto uh hi; a mu theampo lau mama uh hi.

Amate in van khakbil in Pathian thu vaithak a thansak hun sungin, ngua a zuksak ngawl natu in thunei uh hi. Amate in ciktuite chisan a suasak thei natu thunei si uh hi; tuaciang amate in a uuk ni sim po in, leitung sia ngimna lian nam theampo taw ngim piak thei natu zongh thunei uh hi.

Tetti te nii a cite sia leitung Topa mai ah a ding olive kung niite le meivak khuam niite ahi uh hi. Khat po in amate vawtsia tu in a sawm le, a kam sung pan meikuang pusuak tu a, a ngalte lalcipsak tu uh hi; tuaciang hi bangin a kuama po amate susia nuamin a kipante sia kithatlum tu hi.