Popular Bible Verses from Thupualaakna 12

Share

Ih suapuite in Tuuno chi le thumaan thutang a thansakna uh taw zawna nga zo uh hi; amate in a nuntakna uh pia in thi ngam hi.

Tua zawkciang, vantung ah aw a nging tatak khat ka za a, “Tu in Pathian ngupna sia hong theng zo hi! Tu in Pathian in Kumpipa a hina, a vaangletna hong lak zo hi! Tu in ama Messiah in a thuneina hong lak zo hi! Banghang ziam cile Pathian mai ah ding a, ih suapuite sun taw zan taw a mawsakpa sia, vantung panin kivawk zo hi.

Tua ciangin taangh ngulpui lian Doaimangpa ahibuale Satan a kici leitung bup a theampa ngulpui lian mama sia, ama ii lalang theampo taw leitung ah hong kisepsuk hi.

No, vantungte le tua munah a teangte awng, lungdam vun! Ahihang leitung le tuipi atu bangzata in lauhuai ziam! Banghang ziam cile doaimangpa sia no kungah hong pai suk zo a, hun tawm cilik bek nei lai ahi hunlam he in, thangsiatna taw kidim hi,” a ci hi.

Tua zawkciang vantung ah ngal kisimna piang hi. Michael le a vantunglalangte in ngulpui do uh a, tua ngulpui in, ama lalangte taw kopin do kik hi

Ngulpui sia numei tungah a thin uuk mama a, Pathian ii thupiakte zui a, Jesus ii pualaak thumaan tungah a kip numeinu ii suan a taanglaite sim tu in kuan hi.

Tua zawkciang van ah a lian lim lamdang khat kilangh hi. A puansilh sia ni hi a, tha sia a peang nuai ah koi in, aksi sawm le nii a nei kumpilukhu a lu tungah a khu numei khat om hi. Ama sia nausuak pal tu hi a, nautun natnate a thuakna hangin ama aukeak hi.

Tuasia ciangin numei in tapa khat hong nei a, tua tapa in leitung minam theampo thikciang taw uk tu hi. Ahihang a tano sia kisut a Pathian kung le a kumpi tokhum kungah kipaipui hi. Numei sia sennealngam sungah tai a, Pathian vawt kholsaksa tuak munah ni 1,260 dong ama kikeamcing tu hi.

A dang lim lamdang khat zongh, van ah kilangh hi. Lu sali le kii sawm a nei, a lute khat ii sim tungah kumpilukhu a khu, ngulpui san lian mama khat om hi. A mei taw van ah aksite see thum sua see khat kaikeak in lei ah sepsuk hi. Ama in numeinu mai ah dingin nau a sua po ciang, a nau neaksak tu in om hi.

Tua numei sia sennealngam ama omna a zot natu in muvanlai lian khat ii thakhui nii kipia a, tua munah kum thum le kum lang sung ngulpui ii sim natu pan kikeamcing tu hi. Tua teng zawkciang ngulpui in numeinu a taai tu in, a kam sung pan, khuanawl tui a pusuaksak hi. Ahihang lei in numeinu hu hi; tua lei in a kamkaa in ngulpui kam sung pan hong luang tui sia valh hi.