Popular Bible Verses from यूहन्ना 21

Share

खाणौं खाणौ कै बाद यीशुए शमौन पतरस कै बौल़ौ, “ओए रै शमौन यूहन्ना का बैटा का तू सौथी कै इनु ओकी चैलै दा जादा बौढ़ेयौ मुं आरी प्यार कौरे?” शमौन पतरसे यीशु कै बौल़ौ, “हां, प्रभु तू तौ जाणै कै हांव तांवआरी प्यार कौरु।” यीशुए तैसीकै बौल़ौ, “मैरै चैलै कै दैखभाल कौर जैशैकै ऐक चौराईया आपणै भेड़ो कै दैखभाल कौरौ।” यीशुए हौजौ दुजाल़ियो तैसीखै बौल़ौ, “ओए रै शमौन यूहन्ना का बैटा का तू मुं आरी प्यार कौरे?” तैणै तैसी बौल़ौ, “हां, प्रभु तू तौ जाणै की हांव तांवआरी प्यार कौरु।” तैणै तैसी बौल़ौ, “मैरै लोगौ कै दैखभाल कौर जैशैखै ऐक चौराईया आपणै भेड़ो कै दैखभाल कौरौ।” यीशुए तिजाल़ियों बौल़ौ, “ओए रै शमौन यूहन्ना का बैटा का तू मुं आरी प्यार कौरे?” पतरस उदास हौआ, कै यीशुए तिजाल़ियों तैसीखै ऐशै बौल़ौ, “का तू मुं आरी प्यार कौरे?” औरौ तैणै तैसी बौल़ौ, “ओए रै प्रभु तू तौ सौबै जाणै: तू ऐजौ बै जाणै कै हांव तांवआरी प्यार कौरु।” यीशुए तैसी बौल़ौ, ऐक चौराईया कै जैशणै मैरै लोगौ की जौरुरतौ कै पूरी कौर।

हांव तुऔं साचौ-साचौ बुलू, जौल़ौ तू जवान थिया, तौ तौलौ तू आपणै कमर बानियो कै जिथै चांए थिया, तितै फिरै थिया। पौरौ जोबै तू बूढ़ा हौए जाला, तोबै तू आपणै हाथ फौएलांदा औरौ कुणिए ताखै बानी दैंदै औरौ ताखै तिथै निंदै जिथै तू ना चांए।

तैणै तिनु बौल़ौ किश्‍ती कै सोऐं ढौबौ जाल पाव, तोबै तुऔं माछी भैटदी। तोबै तिनुऐ जाल पायौ, औरौ ऐबै माछी कै बौहितै हौणै की बौजैह शै सैजौ जाल ऊबु ना खिंचियो थियु।

शमौन पतरसे तैसीखै बौल़ौ, हांव माछी पाकोड़दा चालै रौआ। तिनुऐ तैसी बौल़ौ, आमै बै तैरै साथै चालु। इथकारिए सै निकल़ैयो कै किश्‍ती पांदी बौठै, पौरौ तियौं रातै तिनकै ऐक बै माछी ना पाकड़ी।