Popular Bible Verses from प्रेरितो कै काम 1

Share

पौरौ जोबै पवित्र आत्मा तुऔं पांदी आला तोबै तुऐं अनौखी शौकतै पांदै, औरौ यरूशलेम शहर औरौ सौबै यहूदिया प्रदेश औरौ सामरिया प्रदेश तौड़ी औरौ सोंईसारी कै हर जौगैह तौड़ी लोगौ कै मैरै बारै मुंजी बौतांदै।”

यीशुए तिनुखै बौल़ौ, “तैसी सौमय औरौ काल़ो खै जाणणौ कै जौरुरत तुऔं ना आथी सिरफ मैरै पिता पौरमेशवर कै धोरे ही तिथु तय कौरणौ का औधिकार औसौ।

ऐकी सौमय जोबै सैजै ऐक साथै थिए तौ यीशुए चोणेयौंदे चैलै कै आज्ञा दै, “यरूशलेम शहर कै नी छोड़ेया, पौरौ तैसी तौफे का इंतजार कौरदै रौव, जू मैरै पिता पौरमेशवरे तुऔं दैणौ का वादा कौरे राए, जिथकै बारै मुंजी तुऐं मुखै बौलदै बैई शौणै राए। जिथुकै यूहन्ना बपतिस्मा दाताए लोगौ कै पाणी लैई बपतिस्मा दिया, पौरौ दैणिक दूसौ कै बाद पौरमेशवर तोंवारै साथै रौणौ कारिए पवित्र आत्मा भैजदा।”

औरौ यीशु खै दुख उठाणौ औरौ मौरणौ कै बाद भौरिशै पाकै निशानो लैई आपी खै तिनु जियुंदी दिखांदा रौआ, औरौ चाल़ीश दूसौ तौड़ी सै चोणेयौंदे चैलै खै दैखिंदा रौआ, औरौ पौरमेशवर कै राज्य की बातौ कौरदा रौआ।

ऐजौ बौलणौ कै बाद यीशु तिनुकै दैखदै-दैखदै पौरमेशवरे तैसीखै स्वर्ग दा ऊबा निया, औरौ ऐकी बादल़ो की बौजैह शै तैसकै चैलै कै तैसी दैखी ना।

औरौ तैसकै जांदै बैई जोबै तिनुऐ गौयणै कै ढौबौ दैखै लो थियु, तोबै एकदम दो आदमी चिटै खोटणो बांबयो तिनकै धोरे आयौ खौड़ै हौवे। औरौ तिनुकै बौलदै लागै, “ओए रै गलील जिले कै आदमियों तुऐं काए खौड़ै हौयौ गौयणै ढौबौ दैख लौ? ऐजाई यीशु जैसी पौरमेशवरे तोंवारै धोरे दा स्‍वर्ग कै ढौबौ उठाए दिया, जैशै तुऐं तैसीखै स्‍वर्ग कै ढौबौ जांदै बैई दैख राए, तैशैकैई सै दुजाल़ियो पाछु आन्दा।”