Popular Bible Verses from यहुन्ना 15

Share

आंउ दाखलता आ तुवे डाई अत्ति। जै मूं मझ बणौरा रींहथा, जां आंउ तैस मझ बंणौरा रींहथा ता सै बड़ा फलता। केईनी कि मूं किना अलग भौ करि तुवे किछ न करि सकतै।

तुवे मिंडै बणि करि रैहलै ता मूं तुहां मझ बणि रींहणु। जिहीं-चारै अगर डाई दाखलता मझ बणि करि ना रिय्हा ता तैस पन अपुवै फल ना लगता, तिहियें-चारै अगर तुवे बि मूं मझ बणि करि ना रैहलै ता तुवे कोई फल ना अंणि सकतै।

अगर तुवे मूं मझ बंणी रिय्हा जां मिंडी शिक्षा तुहां मझ बंणी रिय्हा, ता चाहै जै मगेलै ता सै तुवाड़ै तेईनी भौ गांहणु।

तुहैं आंउ ना चुणा पण मीं तुवे ऐठणीरै तेईनी चुणै जां नियुक्त क्यै, कि तुवे संसारा मझ गहि करि फल अंणा जां फल बंणी रिय्हा, तुवे मिंडै चैलै अत्तै ऐठणीरै तेईनी तुवे मिंडु नाँ लै करि जै बि पिता परमेश्वरा किना मगेलै, सै तुहांनि मेईंणु।

ऐस किना बडा प्रेम कोसेरा बि ना कि कौ अपड़ै मित्रैरै तेईनी अपड़ि जांन दिया।

मूं मझ लगौरी हर डाई जैस पन फल ना लगतै, तैस डाई सै बढि सुटता जां जैस पन फल लगता तैस डाई सै छांटता कि तेत पन हौरा बि जादा फल लगिया।

मिंडी आज्ञा ऐ आ, कि जेतिया प्रेम मीं तुहां सेईतै केया, तींहै तुवे बि एकि दुवें सेईतै प्रेम करा।

मिंडै पिताऐरी महिमा ऐसै मझ आ कि तुवे बड़ै फल अंणा। तां तुवे मिंडै चैलै ठहरायूंणै।

“सच्ची दाखलता आंउ आ, जां मिंडा पिता परमेश्वर किसान आ।

अगर जै मूं मझ बणि न रिय्हा, ता सै डाई सैयि बढि दियूंता, जां शुकि गांहथी, जां मैहणु तैस बटौई करि आगी मझ सुटि दींतै जां सै फुकी गांहथी।

मीं ऐ गलै तुहां सेईतै ऐठणीरै तेईनी बोलि कि मिंडा आनन्द तुहां मझ भुईया जां तुवाड़ा आनन्द पूरा भौ गहिया।”

अगर तुवे मिंडी आज्ञाय केरा पालन करेलै जां मिंडै प्रेमा मझ बणौरै रैहलै; जिहीं कि मीं अपड़ै पिता परमेश्वरेरी आज्ञाय केरा पालन क्यौरा जां तेसेरै प्रेमा मझ बणौरा रींहथा।

ऐन्हां गला केरी आज्ञा आंउ तुहांनि ऐठणीरै तेईनी दींता कि तुवे योकिया सिंउ प्रेम रखा।

अगर तुवे संसारैरा मैहणुवां सैयि भूंतै भुईं ता संसारैरा मैहणुवां तुवे अपड़ै समझि करि प्रेम कांना थ्या। पण तुवे संसारेरै नत्तै, केईनी कि मीं तुवे संसारा किना चुणी लियौरै अत्तै। ऐठणीरै तेईनी संसार तुहां सिंउ बैर काता।