Popular Bible Verses from यहुन्ना 14

Share

आंउ तुहांनि सुख-शांति दी करि गांहथा आ। जै मिंडी सुख-शांति आ तैस आंउ तुहांनि दींता, जिहीं संसार दींता, तिहीं आंउ तुहांनि ना दींता। तुवाड़ा मंन दुखी ना भुईया जां डरिया ना।”

यीशु तैस सेईतै बौलु, “मार्ग, सच्चाई जां अनन्त जीवन आंउ आ। मीं बगैर मिंडै पिता परमेश्वरा किनि कौ ना गहि सकता।”

“तुवाड़ा मंन दुखी ना भुईया तुवे परमेश्वरा पन विश्वास रखतै, मूं पनि बि विश्वास करा।

पण ‘सहायक’ मतलब पवित्र आत्मा जै पिता परमेश्वरा मिंडु नाँईयां किना भेईजणा, तैस तुहांनि सभ-किछ शिख्रांणु, जां जै किछ मीं तुहां सिंउ बोलोरू आ, तैस तुहांनि तैन्हांं गला केरा चैता दिवांणा।

जैस मिंडी आज्ञाय केरा पता आ सै मनतै बि जां जै तेन्हैरा पालन कातै, सैहै मूं सिंउ प्रेम कातै जां जै मूं सिंउ प्रेम करैला तैस सिंउ मूं बि प्रेम कांना जां तैन्हांं मझ मूं प्रकट भूंणु।”

आंउ पिता परमेश्वरा सेईतै प्रार्थना करैला जां सै तुवाड़ै तेईनी अक हौरा सहायक भेईजैला, जै कि हमेशा तुहां सेईतै रिय्हा। मतलब सै सच्चाईरा आत्मा आ, जैस संसार स्वीकार ना करि सकता, केईनी कि संसार ना तैस तकांता ना तैस जांणता। तुवे ता तैस जांणतै, केईनी कि सै तुहां सिंउ रींहथा जां तुहां मझ रींहणा।

जै किछ तुहां मिंडु नाँ लैकरी मगणु, सै मूं पूरू कांनु, जेनि ला पुत्रेरै कारण पिता परमेश्वरेरी माहिमा प्रकट भुईया। अगर तुवे मूं किना मिंडा नाँ लैकरी किछ मगेलै, ता आंउ तैस पूरू करैला।”

“अगर तुवे मूं सेईतै प्रेम कातै ता मिंडी आज्ञाय बि मंनैलै।

मिंडै पिता परमेश्वरेरै घरा मझ बड़ै कमरै अत्तै। अगर ऐहीं ना भूंतु ता मूं तुहांनि शुणा दींणु थियु; कि आंउ तुवाड़ै तेईनी जगा तियार कांना चला।

मूं गहि करि तुवाड़ै तेईनी जगायरा इन्तजाम कांना, जां फिरी मूं ऐईंणु जां तुवे अपड़ैनि लै गांहणै, जेठि आंउ भूंणा तैठि तुहां बि बेशणु।

थोमै यीशु सेईतै बौलु, “हे प्रभु! असु पता ना कि तुवे कोई गांहथै अत्तै, ता असु तेधोरीं बतैरा पता किहीं भूंणा?”