Popular Bible Verses from Yohana 15

Share

Zeso gwan jan na nda ge ame hateya ma go: Mbi ge mojo̰o̰ on̰or go, ḛ ge mojo̰o̰ ne tok ma go me. Ndu ge ɓa̰a̰ no dagre ge mbi, mbi ɓanna dagre ge ne, go mbe no, seɗ pool ge kee kaŋ ge kwaɗa ma gḛḛ, ge dape, ḛ pool ge kee a̰me hini be mbi to.

Ḛ kaa ɓanna dagre ge mbi, ge mojo̰o̰ mbi no dagre ge ḛ go me. On̰or tok hini mbyaɗ tol ndwa to, kaɗ go ne ge on̰or sḛ ta mbḛḛ. Go mbe no ca, ḛ mbyaɗ kee a̰me ge ḛ pagal to, kaɗɗa ḛ kaɗ ɓanna dagre ge mbi to.

Kaɗɗa ḛ go ɓanna dagre ge mbi, mbi fare ma kaɗ ḛ zì me ɗe, ḛ kaɗe Dok Ba kaŋ ge ḛ ɓyare ne, mbo hon ḛ ne me.

A be ḛ sḛ ma taa mbi ne to, ɗaŋɗe, a mbi sḛ taa ḛ ne. Mbi ho̰ ḛ tèmel ge kee kaŋ ma no gḛḛ-gḛḛ, kaŋ ge mbo gaa ya mḛḛya ɗiŋ ma. Go mbe no, mbi Ba mbo hon ḛ kaŋ ge ḛ mbo ele na num ya ma mɔɗwag ge mbi dḭḭl zì.

Kaɗɗa ndu hon tene mbo swày ge na kondore ma pe, ngay go ne laa wa̰a̰ num wan fareba.

On̰or tok ge diige ge no mbi ta ge tol ndwa to, mbi Ba chal ne gezi. Ɗaŋɗe, fete on̰or tok ge diige ge tol ndwa, ndwa nuusi ne go, ne gwan tol ndwa gḛḛ waɗeya.

Mbi wa yuwaleya no: Ḛ laa wa̰a̰ ta, ta buwal zì ge mojo̰o̰ mbi laa wa̰a̰ ḛ go.

Ḛ ke tèmel ge kwaɗa ma, ḛ ngay waɗme go ḛ mbi nda ge ame hateya ma ne, go mbe no, ḛ ngay zum pateya ge mbi Ba ne nda ta.

Zeso jan na nda ge ame hateya ma go: Mbi on̰or ge fareba ne, mbi Ba ndu ge gaaso on̰or mbe ne.

Ndu ge diige ge ɓan dagre ge mbi to, àa dol ne zum yà dinna ge on̰or tok ge nda fete ne go, fin̰a gezi. On̰or tok ge go mbe ma, àa ɔwabe num kan ol zì, àa til gezi me.

Fare mbe ma no peɗ, mbi jin̰a ḛ num ndwa go laa saal ge mbi kee ne no, ḛ ke ne waɗme, ago, ge ḛ ḛ kaa huyya tab.

Dinna ge mbi ka mboya ge mbi Ba wa yuwaleya ma pagal go ɗe, ne sḛ ka ngay laa wanna ge na ne mbi ta ɗaɗag me. Go mbe no ca, kaɗɗa ḛ mbo go mbi wa yuwaleya ma pagal, mbi mbo ka ngay mbi laa wanna ge ḛ ta ɗaɗag me.

Fare ge mbi hoɗ ḛ mbi wa ne pagal go: Ḛ laa wa̰a̰ ta, ta buwal zì.

Daa no go ḛ ge dunin̰a ne ma ne ɗe, num laa daa mà wan ḛ ge mojo̰o̰ maa nda ma go. Ɗaŋɗe, fare ge kee go num laa ɓyare ḛ to ɗe, a ge mbi taa ḛ ge num buwal zì ya pe, ḛ daa be num nda ma ne to.