Popular Bible Verses from Yohana 14

Share

Halas kaa ge ḛ. Mbi gene ḛ ya halas ge ambi. Mbi ee ḛ seɗ halas mbe dinna ge nda ge dunin̰a zum ma seɗ ne go to. Ḛ iigi ta mage kee voo ge fare ge ɓyare mbo no ya ḛ pagal ma pe to.

Zeso gwan ge ne janna go: Mbi sḛ no gaw, mbi vin̰a ge gene nda mbo Dok ta yà ne, mbi kaɗ fare ge fareba ge ngay nda Dok, mbi kaɗ ndwa ge Dok hon nda ne waɗme. A ge mbi ta ɗu, ndu wa seɗ vin̰a ge mbo Dok Ba ta yà go.

Sok mbe go, Zeso jan na nda ge ame hateya ma go: Ne kaa ge ḛ dul wa iigi to. Ḛ ho fareba Dok ta, ḛ ho fareba mbi ta waɗme.

Ɗaŋɗe, Ba ge mbaaya, ndwa go On̰om ge Harcal, ge mbi Ba mbo teme ne ja ge mbi dḭḭl zì, mbo hate ḛ kaŋ ma ne peɗ, voɗ ḛ pagal ge fare ge mbi hate ḛ num ma pagal mɔɗwag me.

Ndu ge koy mbi wa yuwaleya ma, ka mbo num pagal, a ndu ge ne laa wa̰a̰ mbi ne. Mbi Ba laa mbo wan ndu ge ne laa mbo wan mbi ya. Mbi waɗme, mbi mbo ngay ne mbi laa wanna, mbi ngay tene ne ta me.

Kaɗɗa ge mbi, mbi mbo kaɗe Dok Ba, mbo teme ḛ ba ge mbaaya ya, ndwa go ne gaa kàɗɗa ɗiŋ ge din ge ḛ. A On̰om jan fare ge fareba ne ge Dok pagal, ge nda ge dunin̰a zì ma mbyaɗ vin ne maa sḛ zì to, ge dape, àa kuwa ne mage wan ne pe to. Kaɗɗa ge ḛ, ḛ kuwa ne kuwa, ge dape a ge ḛ dagre, mbo kaɗ ge ḛ zì me.

Kaŋ ge ḛ mbo ele Dok num ya ma peɗ, ge mbi dḭḭl zì, mbi mbo kee ḛ num ndwa go mbi wa ngay pateya ge mbi Ba ne zum. Mbi jan ḛ go: Kaŋ ge ḛ mbo ele mbi num ya ma peɗ, ge mbi dḭḭl zì, mbi mbo kee ḛ num.

Zeso jan nda ge ame hateya ma go: Kaɗɗa ḛ laa wa̰a̰ mbi wan, ḛ mbo ge mbi wa yuwaleya ma pagal.

Ge zok ge mbi Ba ne ziya yà, sok kàɗɗa ma go yà gḛḛ. Daa go ne fare ge fareba ne to ɗe, mbi daa mà jan ḛ ne to: Mbi mbo nuusi sok kàɗɗa ɗu ge ḛ pe.

Sok ge mbi mbo nuusi ḛ sok kàɗɗa mbe ya, mbi mbo gwanna ɔwabe ḛ mbo mbi ta yà, ndwa go ḛ sḛ ma waɗme, ḛ wa mbo kaɗ ge sok ge mbi no ne go.

Tomas jan ne go: Bagezok, i kuwa sok ge mo mbo no ne yà to me, i kuwa vin̰a mbe mà pe gyana de?