Popular Bible Verses from Romanos 5

Share

Xwiri i Dios xuk'ut k'axnab'al uk'ux chqe man are k'a oj ajmakib' te'eq, i Cristo xkam pqak'exel. Keje u'anik ile xu'an i Dios chqe.

I utz le chi qoy-em kuqajsaj ti ukub'ib'al qak'ux man lik kqil na, man kqana i k'axnab'al uk'ux i Dios pqanima rumal Lo'laj Utewal chi uya'om chqe.

Xwi ta la ile, xaq kojkikot chupam i k'ax chi kpe pqawi, man qeta'am we kqach'ij i k'ax le lik kuya ukub'ib'al qak'ux. I ukub'ib'al qak'ux le k-on ni chqe chi utz kojelik, i we utz xojelik lik k'i uri i utz kqoy-ej.

Wo'or ut, xa rumal ukub'ib'al qak'ux che i Qajwal Dios ronojel ile xa rumal i Jesucristo, i Dios oj uk'amom; rumali wo'or lik utz oj o chwach i Dios. Lik kojkikotik man qeta'am chi rumal i ukub'ib'al qak'ux che i Jesucristo, wo'or lik kqana ni k'axnab'al uk'ux i Dios xaq rumal ire chi o ni qe che u'ij uchomal.

Alaj chi k'ax kojuna'o man i Cristo xkamsaxik tob'al qe are nti te kojtowik. Xwiri are xuriq i ij chi uch'ikom i Dios, i Cristo xkamik tob'al ke ajmakib'.

Rumal i kamik le chi xik'aw wi Jesucristo, oj utz chik chwach i Dios. Lik nim i utzil chomal uya'om i Dios chqe, xwiri, i mas nim chwach ile are iri: Xaq kojuto ni chwach i tojb'al mak chi o te chqawach pa k'isb'al ij.

Xe'eloq chi rumal umak i ma Adán lik je k'i i winaq ajmakib'; xwiri xaq je k'i i winaq utz ke'el ni chwach i Dios rumal wach xu'an i Jesucristo.

Xaq xwi ta la ile, lik kojkikot ru' i Dios rumal i Qajwal Jesucristo. Rumal ire qachomam chik qib' ru' i Dios.