Popular Bible Verses from Romanos 2

Share

We yet ka'at tzij puwi i jun, xaq xa ka'an yet pacha kki'an ike, ¿Xatab'a i Dios kuya ti tojb'al mak uri chawe? Kuya'o. K'amaja ni kuya pawi man ktijin chuya'ik unimal uk'ux chawe. ¿Aweta'am ti b'awa chi lik nim i rutzil uk'ux i Dios? ¿Aweta'am taj chi ire lik utz uk'ux, at roy-em na chi kajalwachij anojb'al?

We yet kakoj umak jun awachi'il are k-on jun utz taj, nti kawesaj wi awib' uri chwach we xaq ka'an yet pacha ku'an ire. Xa tojb'al mak uri katzukuj pawi yet.

I Dios xaqjun i kilik ku'an chke konojel i winaq.

I winaq chi je utz chwach i Dios je are ike chi kkikoj ni'pa utzij. I winaq chi to' kkita i ujer atb'al tzij, xaq kki'an taj, ike je are ti i je suk'ulik chwach i Dios.

Man i Dios kuya tojb'al re chqe chqajujunal chrij wach i qa'anom.

Xwiri i Dios lik kutaq na li tojpen pkiwi ni'pa i kkitzukuj i to' ke ike, chi kekojon ti che i saq laj tzij re i Dios, chi to' kkaj u'anik i utz taj. Ktzaq ni roywal i Dios pkiwi ike le.

Xwiri yet lik at b'uy, kawaj ti kajalwachij ak'ux chwach i Dios; rumali xa kattijin chunimarsaxik amak chi kpe ni pawi are kuriq i ij re tojb'al mak are ku'an i Dios i suk'ul laj atb'al tzij.