Popular Bible Verses from Romanos 1

Share

Yin kink'ix ti chub'ixkil i utz laj tzij k'ak' re i Dios, man ile lik o ucho'ab', man konojel ni'pa i kkikojo lik ketotaj na. Nab'e usujum ile chke i aj Judío winaq, te'uri chke i ne te aj Judío.

I utz laj tzij k'ak' le lik kuk'ut chqe wach u'ankil chi nti qamak chwach i Dios. I u'ankil ku'an chqe are rumal ukub'ib'al qak'ux che i Ajwal; xa rumal ukub'ib'al qak'ux che i Dios ku'an utz laj taq winaq chqe. Man keje iri tz'ib'tal chupam uwuj i Dios ujer: “I utz laj winaq rumal ukub'ib'al uk'ux che i Dios lik kk'asi na.”

Ni'pa ile kqil ti ru' qab'a'wach, xwiri lik qeta'am chi olik, man ax u'aljinsam wi loq k'a chuxeb'al ij saq. U'aljinsam chqe ru' ni'pa uyijb'am ire; rumali i ajmak laj taq winaq kkesaj ti kib' chwach.

Keta'am chi ire lik Dios, xwiri kikojom ti u'ij pacha i kmajaw che xaq kitioxim ti che. Rumali, chi ni'pa i kkich'ob'o nti uchak chke; i kinojb'al lik xsachik, kkil ti chik ub'e wach taq i utz xaq wach i utz taj.

Keje ile xki'ano man kikojom ti saq laj tzij re i Dios, xa kikojom ki'ij ni'pa i u'anom i Dios; xkikoj ti u'ij i Dios chi x-anaw ni'pa i olik. Are ire lik kmajawik kqakoj u'ij k-e ij saq chrij. Amén.

I Dios uk'utum chqe chi o i nim laj tojb'al mak kpe ni chikaj pkiwi konojel i je aj-anol mak chwach Ire, xaq i je aj-anol utz taj chke i winaq, ru' ile kki'atij i retamaxik i saq laj tzij re i Dios.

Rumali i Dios je ro'tam chu'ankil i utz ti laj taq urayijb'al kich'akul chi lik k'ixb'alil. I ixoqib' kkaj ti chik u'anik urayijb'al kich'akul ku' achiyab' xa xki'an urayijb'al kich'akul chkiwach ike je ixoqib'. Xaq keje xki'an i achiyab' ile, man xki'an ti chik urayijb'al kich'akul ku' i kixoqil, are i xki'ano xjech'ab' i kinojb'al man xe'ok chu'anik urayijb'al kich'akul chkiwach je achiyab'. Kki'an nimaq taq k'ixb'alil chkiwach; kitukel xkipetsaj i tojpen pkiwi rumal i utz taj chi kki'ano. Xwiri ike kkikoj taj chi ire lik Dios, rumali xero'taj pu'ab' i itzel laj taq nojb'al. Xuya chke chi kki'an ni uri wach taq i kmajaw taj.

Kkib'ij chi lik o kino'oj, xwiri xki'an che kib' chi nti kinojb'al. Xkikoj ti u'ij i Dios chi ronojel ij saq k'aslik; xa are xkikoj u'ij i jalajuj taq tiox chi ki'anom ike ru' ki'ab', kik'exwach chikop, pacha taq i tz'ikin, kumatz, xaq i chikop chi kajib' kaqan.