Popular Bible Verses from Romanos 14

Share

I usuk' i qa'olem pa ajawinik re i Dios are ti wach taq i kqatijo, wach taq i kqatu'u; are wach taq kpe ru' Lo'laj Utewal i Dios are i qak'aslemal suk'ulik, utz olem, xaq i kikotemal. We keje ile kojtijin chu'anik chwach i Cristo, i Dios kkikot uri qu', xaq i winaq, utz kojkilo.

Man we oj k'aslik, kojb'al re u'ij i Ajwal; we xojkamik xaq kojb'al re u'ij i Ajwal. Ke'el uri, we oj k'aslik, o we xojkamik, oj re i Ajwal.

Rumali chqatzukuj i utz olem chqawach; chqatzukuj uto'ik qib' chunimarsaxik i qak'aslemal chwach i Dios.

Rumali, mqayo'ya chik qib'. Are chqana qib' wach kojtijin yoj chu'anik; moqxa o taq i kqa'ano, i qachalal chwach i Cristo xa ketzaq taq rumal i kqa'ano le.

Qeta'am ile, man chupam uwuj i Dios keje iri tz'ib'talik: Kub'ij i Ajwal: “Lik kinb'ij na: Chi konojel kexuki ni chinwach yin; xaq konojel kkib'ij na chi xwi Yin in Dios.” Qonojel uri, chqajujunal kqab'ij ni chwach i Dios wach i qa'anom chi chwach i jyub' ta'aj.

We o jun winaq kkojon che i Dios chi k'amaja qas kuta ub'e i k'utunik re i Cristo, chik'ulaj iwu'; xaq mi'an ch'oj ru', we xaqjun ti ich'ob'onik.

¿Ix pachin yix chi ki'at tzij puwi i rajchak jun chik? Ile are i rajaw uchak k-ataw ni tzij puwi we utz u'anik uchak ku'an che xaq we utz taj. Jun, we saqil laj rajchak i Dios, utz uri kel uchak man o ucho'ab' i Dios ru'.