Popular Bible Verses from Romanos 13

Share

Xwiri chikowij iwib' che i Ajwal Jesucristo, xaq mich'ob' chik ujachik iwib' chu'ankil i utz ti laj taq urayijb'al ich'akul.

We o ak'as ru' jun winaq, chatojo. Xaq keje ile, pacha o jun qak'as chqawach are iri: Are i k'ax chqana qib' chqawach. Man jun, we k'ax kuna ulok'anij, ktijin uri chu'anik wach usuk' i atb'al tzij tz'ib'tal kan rumal i mam Moisés.

O uchak kiya iwib' chukojik i atb'al tzij chi o chwach i jyub' ta'aj, man are i Dios kojownaq i atb'al tzij piwi.

Are i ij oj o wi ri, pacha jun a'ab' ya kik'awik, ya kpe usaqirik. Rumali, o uchak kqo'taj kan u'ankil wach taq i kki'an i winaq pa equmal. Chqato qib' ru' u'ankil i utz pacha ku'an jun achi chi yij che i ch'oj, kuto rib' ru' uch'ich'.

Pachin o k'axnab'al uk'ux, nti xaqmanal uri ku'an che ulok'anij; we lik o k'axnab'al k'uxij, kkojon uri che ronojel utzij upixab' i Dios.

Chi'ana i usuk' pacha i kmajawik ku' i winaq. We tojonik ru' i atb'al tzij, chitojo; we kmajawik kitoj i k'ijib'al re ik'ay, chitojo; we kmajawik kiya u'ij i jun winaq, chiya uri u'ij; we kmajik chi kisipaj jun b'iroxik che jun, chisipaj.