Popular Bible Verses from Romanos 12

Share

Mi'an che ik'aslemal pacha to' ix re uwach i jyub' ta'aj. Are chiya ni che i Dios kujalwachij ik'aslemal, man keje ile kiwetamaj uri wach kraj i Dios pik'aslemal; kiwetamaj wach i utz, wach i chom, wach i suk'ulik kril Ire.

Ix, wachalal chwach i Cristo, lik kintz'onoj chiwe ru' rutzil uk'ux i Dios chi lik chijacha iwib' ru' ronojel ik'ux che i Dios. Chisujuj iwib' che Ire pacha jun sipon k'aslik. Chijacha ik'aslemal che, lik ch'am, lik chom chwach Ire. Ile are saqil laj kojb'al u'ij i Dios.

Chixkikotoq, man iweta'am chi kiriq ni utz chi uch'ob'om i Dios chiwe. We o k'ax kpe piwi, chich'ija ru' ukowil ik'ux. Mixuxlan che i lapanik ru' i Dios.

Miya che i utz taj kixuch'ako; lik are chi'ana i utz, sachb'al re i utz taj.

K'ax china iwib' chiwach pacha iwatz icha' iwib'. Chiya ik'ux chuya'ik i'ij chiwach.

Lik k'ax china iwib' chiwach lik ru' i saq laj tzij, are tzel chiwila ni'pa i utz taj, lik mijek' iwib' che i utz.

Chikoch'ij iwib' chujek'ik iwib' che i ch'oj, man keje ile, chom kixk'iji chkiwach konojel.

Ix, wachalal chwach i Cristo, we o jun ku'an umak chiwe, mitzalij uwach che. Chiya pu'ab' i Dios, are Ire kyaw utojb'alil. Man chupam uwuj i Dios, keje iri tz'ib'talik: “Xwi pin-ab' yin o wi utzalijb'al che, we o jun u'anom umak; xwi yin kmajawik kinya i tojb'al che, xcha i Ajwal.”

Lik chikoch'ij ik'ux chu'ankil uchak i Ajwal; lik mik'ayo, chi'ana ru' rutzil uk'ux.

Kinb'ij ni chiwe wo'or, i Dios, rumal i rutzil uk'ux, uya'om chinqul ub'ixkil iri: Mich'ob' yix we utz taq kixch'ob'on mas chrij i yatal chiwe kich'ob'o. Wach taq i yatal chiwe rumal i Dios chijujunal, china uri ub'e we i Dios uya'om ukowil ik'ux chu'anik.

We o jun ku'an jun utz taj chiwe, yix mi'an jun utz taj che ire. Are chib'isoj u'ankil i utz chkiwach konojel i winaq.

Xaqjun uk'axnab'al ik'ux china chiwach. Mi'an to' nim che iwib'; chi'ana xaqjun che iwib' ku' nti ki'ij. Mich'ob' yix we lik o ino'oj.

Xaq kub'ij: “We o jun tzel katrilo, we knumik, chatzuqu; we kk'atik, chaya uya'; man keje ile ka'an ni che chi ku'an kaqchinchoj upalaj rumal uk'ix”

We o ketzukuw i k'ax piwi, yix chitz'onoj i utz pkiwi ike. Mitz'onoj i tojpen. We jun kikotik, chixkikot ru'; we jun ko'ik, xaq chixo' yix ru'.

Ni'pa i o iwu', chiya jutaq b'i' ke i o rajwaxik chke, cheito; xaq chiya kiposar ike chi keupon iwu' chi iwachoch.

Keje pacha u'anom i qach'akul chi xa jun xwiri k'iyal taq chapawnaq. O qajolom, o qab'a'wach, o qa'ab', o qaqan; ile lik xaqjun i kichak chkijujunal. Xaq keje uri yoj le; oj k'i, xwiri xa oj jun ch'akulaj antal chqe qonojel ru' i Cristo; man lik qonojel is kqariq qachak che i ch'akulaj.