Popular Bible Verses from Marcos 10

Share

Man mitene i pacha Winaq chi Xolalaxoq chwach Ulew, lik nti o xchakun taq chrij ire; are ne ire kchakun chkij konojel i winaq xaq xujach ni uk'aslemal pa kamik, tojb'al re i elb'al pa k'ax ke konojel —xcha.

Are uri i Jesús xumaj kitaqexik xaq xub'ij chke: —I winaq ketikar ti chu'anik, xwiri i Dios ronojel is ktiki che man ire nti jun b'iroxik we ktiki ti chu'anik.

I Jesús xub'ij che: —Utz kat-ek; at utzirnaq chik rumal ukub'ib'al ak'ux. Are uri i mawach le juntir xtzunik xaq xterej b'i chrij i Jesús.

Rumali konojel ni'pa xkok'aj kib' pub'i i Dios nti pu'ab' jun winaq kujach kipam, man are i Dios x-anaw chke chi xkok'aj kib' —keje ile xub'ij i Jesús chke.

Xwiri i Jesús xumaj utaqexik ru' nim laj k'axnab'al uk'ux xaq xub'ij che: —Xa jun chik b'iroxik chi rajwaxik ka'ano: Jat, chak'ayij ronojel ni'pa o awu' te'uri chajacha i pwaq chke i nib'a'ib'. Keje ile kariq ni uri saqil laj b'eyomal chikaj. Te'uri chatpetoq i chatterej chwij —xcha i Jesús che.

I Jesús xutz'onoj che: —¿Wach kawaj chi kin-an chawe? I mawach le xub'ij: —Tijonel, kwaj kintzunik.

Xwiri chixol yix keje ti ile, lik junwi man we o jun chiwe kraj chi k-on nim u'ij rajwaxik uri chi ajchak na chkij i rachi'il.

Lik saq laj tzij kinb'ij chiwe: Mijun kok che i ajawinik re i Dios, we ku'an ti che rib' pacha jun ak'al.

Man lik je k'i ile chi wo'or je o chunab'eyal xwiri kekanaj ni pa k'isb'al re; xaq je k'i ile chi wo'or je o pa k'isb'al re xwiri ke'e ni chunab'eyal —keje ile xub'ij i Jesús chke.

Xwiri chuxeb'al u'anik ronojel I Dios xu'an achi xaq ixoq. Rumali, jun achi keuya kan uqajaw uchuch man kkok'aj kib' ru' i rixoqil. Ke'el uri chi je keb' keu'an xa jun ch'akulaj. Rumali chi ke'eloq xa je jun chik.