Popular Bible Verses from Marcos 9

Share

Are uri i Jesús xub'ij che uqajaw ala: —¿B'uchak kab'ij chi “we kintiki'ik”? ¡Is k-an tikilem che pachin kkojonik!

Are uri uqajaw ala xsik'in chub'ixkil: —¡Yin kinkojo, chinato chuya'ik mas ukub'ib'al ink'ux! —Xcha.

Te'uri Jesús xok ru' jun ja junam ku' utijoxelab'. Are je o chila kitukelal, i tijoxelab' xkitz'onoj che: —¿B'uchak xojtiki ti yoj chrelsaxik i itzel tew le? —Xecha che i Jesús. I Jesús xub'ij chke: —Jun itzel tew pacha ile, lik xwi ru' chutz'onoxik che i Dios kelik.

I atz'am lik kuriq uchak chqe. Xwiri we xsach utzayil, ¿Wach u'ankil uri ki'an chik yix che, re ku'an chik tza? Lik rajwaxik uri chi yix ix keje na pacha i atz'am chi o ujelal ik'aslemal chiwach, xaq rajwaxik chi lik o ni chomalil chiwach.

—Pachin jun kuk'am jun ak'al pacha iri pinb'i yin, ke'el uri chi yin kinuk'amo, xaq pachin jun kinuk'am yin, xwi ti yin uri kinuk'amo xaq kuk'am i jun chi in taqawnaq loq.

Xapachin jun tupu xa jun b'as ya kuya chiwe yix rumal ix re i Cristo, lik saq laj tzij uri kinb'ij chiwe chi kya' ni usipon —xcha i Jesús.

Xapachin jun kutzaqsaj jun chke i ch'utiqi chupam umak, chi kekojon chwe yin, lik utz teneri che wetene kxim jun ka' rij uqul xaq kk'aq b'i pa ya, ji'sab'al re.

We are ab'a'wach k-anaw chawe chi kattzaq chupam amak, su' chawesaj b'ik. Man utz ke'el chawe we xa jun ab'a'wach olik are katok che i ajawinik re i Dios chwach we keb' ab'a'wach chi xa katk'aq b'i pa a' chi lik ktoqowik