Popular Bible Verses from Marcos 11

Share

Rumali kinb'ij chiwe: Ronojel ni'pa kitz'onoj yix che i Dios, we kikojo chi lik kya'taj ni chiwe, lik keje ni uri ile kuk'ulmaj.

Lik saq laj tzij kinb'ij chiwe, jun we kub'ij che i jyub' le: Chatel chila, chak'aqa b'i awib' pa mar; we lik keb' ti uk'ux chub'ixkil, xaq we lik kukojo chi k-antaj na wach i kub'ij, lik keje ni uri ile k-antajik.

Are kixtijin che i lapanik ru' i Dios, we o jun maktajnaq chiwach, chikuyu uri umak che, man keje ile i Ta chikaj xaq kukuy ni imak yix.

I Jesús xula' uwach: —Chikub'a ik'ux che i Dios.

Te'uri xok chuk'utik chke i winaq; xub'ij: —Chupam uwuj i Dios tz'ib'tal kan keje iri: I wachoch lik k-etamax na chi are jun ja chi kojb'al u'ij i Dios ke konojel i winaq re jalajuj taq tinimit re uwach i jyub' ta'aj, xwiri yix i'anom kijul ili'omab' che —keje ile xub'ij i Jesús chke.

Konojel i winaq chi je nab'e chwach i Jesús, xaq konojel ni'pa je teren b'i chrij; kesik'in chub'ixkil i tziji: —¡Nim u'ij! ¡Lik nim u'ij i taqtal li rumal i Dios! —Xecha.

“¡Lik k'amori che i Dios man kjeqan i utz laj ajawinik chi are i ajawinik re i qamam mam David! ¡K'amori, lik choksax u'ij i Dios!”