Popular Bible Verses from Luka 6

Share

Taphulani, nave munarwa‐mutaphuliwa. Vahani, nave onarwa‐ovahiwa wa nyuwo; mweryo waphama wokhicheleya wometa woyeheryeya, atchu enarwa‐yovahani m’matani mwanyu. Vawi onarwa‐weryiwa wa nyuwo ni mweryo yowo muneryanyuno.

Mutchu aphama anakumiha saphama mu yaphama ya murima’we; nave mutchu ónanara anakumiha sonanara mu yonanara’we: vawi muwanoni mwawe anamlocha mwa wacha wa murima’we.

Nyenya nkasivelanani ni amwichani anyu, nave erelani saphama, nave poleyani óhiweheryerya etchu nari; nave yamahala’nyu enarwa‐ekhala etokotoko, nave nyuwo munarwa‐mukhala anamwane awe a Mtokotokosha owo; ntakhara Yowo anerela sorera atchu óhithamala ni ónanara.

Khalani nyuwo aikharari ntoko Atithinyu ari aikharari.

Nave muhithorihe, nave nyuwo hamurwa‐muthorihiwa. Nave muhivanye, nave hamurwa‐m’vanyihiwa.

Nyenya kinalocha wa nyuwo awiwa, Sivelanani ni amwichani anyu; erelani saphama yawo awicha nyuwo, rélihani yawo awulumela nyuwo, vekelelani yawo enawerelani clomwe.

Nave ntoko munakhwelelanyu nyuwo wi atchu enarwa‐ewerelani, muwerele yawo mwawihihá yenyu mkhatinyu.

Yowo anomana weyo va nramani nimoha omvahe nikhwaya’tho; nave yowo anákha yawikhunelá, ohimuwatele malayá. Mutchu mukina óveka etchu, omvahe; nave yowo anákha sawá, ohimveke’tho.

Vawi hawivovo mwiri waphama wovaha sawima sawúcha; akhweya’tho mwiri wonanara wovaha sawima saphama.

Vawi mwiri onasuwanyeya ni yawima’ya. Vawi atchu henarukula makúkhu va míwani, akhweya va marulani hcnarukula mpesa.