Popular Bible Verses from Luka 7

Share

Ntakhara awe, kinalocha wa nyuwo, Sotcheka sawe, tiho sinchipale, sokhurumuweliwa; ntakhara ásivela winchipale; nyenya mutchu yowo anamkhurumuweliye tonto, yowo anasivela tonto. Nave áhi wa muthiana, Sotcheka sá sokhurumuweliwa.

Nave Yowo áhi wa muthiana owo, Nroromelo ná nihovulusha weyo; rowa ni murechele.

nave áhémela ochuli iwo, va manani awe, anla, apacherya ochonyeriha mithori va manani awe úkutcha ni mihi a muru awe, anúlasha manani awe, óchiha ni makhurwa’wo awunkhela phama.

ntakhara awe miyo nkisenre mekhaka óphwanela orwa wa Nyuwo; nyenya lochani masu, nave mmiravo aka anapenushiwa. Vawi miyo’tho kiri mutchu awiwelela atokwene aka, kokhalano asurutato awiwelela miyo: nave kinalocha wa ola, Rowa, nave annarowa; ni wa mukina, Rwa, nave annarwa; nave wa kapuro aka, Nkera ela, nave annera. Nyenya Yesu íwaliye hiho átikhina, arukunuwa wa atchu ómutchara, ii, Kinalocha wa nyuwo, nkiphwannye, nari mwa Israyeli, nroromelo ntokotoko nawihiha.

Elukuluku yeyo ápenusha atchu anchipale irecha saya, ni sawukhula, ni minepa yonanara; nave atchu évasi anchipale áwoniha’tho. Nave áhákhula, ii wa yawo, Haweni, muléle Yohane monnanyu, nave mwiwalanyu; atchu évasi enakhela wona waya, órakala mecho ennechecha, amarecha ennaryeheryiwa, óchiyana enniwa, ókhwa ennavíhiwa, wa óhawa ennalaleyeryiwa Mitchaka Yaphama.