Popular Bible Verses from Yohani 15

Share

Nemuti, mwenji mwensamba. Wensi wino ali mwakwe nene, nani nkawa mwakwe weliwe, awino akakoma ivi­komwa vivule; amuno mutanga mufu­ngule chimwi mwenga ndinsipo.

Yikalani mwakwe nene, nani nandi njikale mwakwe mwemwe. Ulusamba lutanga lukome longa; ukuwa lungakoma ndi luli mumuti. Avino namwenye mutanga mukome ivikomwa nkandi ndimwikala mwenene.

Ndachino mwikala mwakwe nene, namazwi yane yikala mwakwe mwemwe, peni muliwalenga chonsi chino mukulonda, amupochelelela.

Mutansola; ukuwa nawasola, nawalasika ukuti mukakomange ivikomwa vivule, ivi­komwa vino vikalandila. Nachonsi chino mwiza mwalenga kwe Tata mwi­zina lyane aliwapa.

Ulukundo Iwe­necho luno umuntu wazipila ukukunda iviwuza vyakwe akuwafwila.

Aka­putula insamba zyonsi mwakwe nene zino zisikoma ivikomwa, swinya akasa­nzulila insamba zyonsi zino zikakoma ivikomwa, alyakuti zisanzulilwe mu­swepe nga ziwakoma ivikomwa vivule.

Lyoo alisundo lyane: ilyakuti kundananji, ndivino nawakunda.

Etata akachindamichilwa kwechonye­choo: muno mukukoma ivikomwa vivule; apano muliwa mwewasambilizi wane.

Nemuti wavikomwa wakusi­michila, e Tata amulimi.

Wensi wino asinakwikala mwakwe nene akasumbwa kulonde, ngati alu­samba, akala; insamba nkale zikako­nganikwa, azisumbilwa mumulilo, azi­lungulila.

Nawanena vyonye-vyoo alyakuti ichimwemwe chane chiwe mwakwe mwemwe, nga nichimwemwe chinu chiwe achimwemwe chenecho.

Ndi mukutontela amasundo yane, muliyikala mulukundo lwane, ndivino nani natontela amasundo yakwe Tata nikala mulukundo lwakwe.

Chonye-choo achino nawakomelezya, ichakuti, Ku­ndananji.

Ndi mutele mwe wakwe woliwo peni walyanye wanga wawakunde amuno mwanga mutele mwakolana nawo. Ukuwa na­wasola nawafumya mwakwe woliwo, swinya musi mwe wawo; achaleka wawapata.