Popular Bible Verses from Yohani 14

Share

Nawasila umutende; umutende wanenye awuno nawapa. Ntawapile ndivino awa munsi wakapa. Mutize muwatamika muwaluwaluwa; mutize muwatina.

Yesu amutolelela ati, Nenenye nenzila, nekusimichila, newumi; pasi wumwi wino angaya kwe Tata suka ndiwapita mwakwe nene.

Yesu awanena ati, Mutaleka imyezo yinu iwatamika nukulwi­Iwinta, Suwilanji Leza, naninye.

E Kavwa e Muzimu Mwichimile wino Tata ali­watumila mwizina lyane, aliwasambi­lizya ivintu vyonsi, nukuwizusya vyonsi vino nawanena.

Wensi wino akupochelela ama­sundo yane ayatontela nukuyatontela, weyonye awino wankunda. Wino wan­kunda, Tata alimukunda; naninye ne­mwenecho ndimukunda njilanjizye kweweliwe.

Ndi lambi­lizya Umukwasi, ayize awape Kavwa winji, eMuzimu wakusimichila, ayize awakwikala namwe amanda nuwinji. Insi itanga imupochelele, amuno isimulola nanti akumanya itamumanya. Ukuwa mwenji mwamumanya, amuno akasyala alanga akwikala namwe.

Ndiwachitila chonsi chino mwiza mwalenjela mwi­zina lyane alyakuti uwukankala wa Mukwasi wize wuchindamichilwe Mu­mwana. Ndimwiza mwalenjela chi­mwi mwizina lyane, ndichichita.

Ndimwankunda mwandi muwa­tontela amasundo yane.

Mu­ng'anda yakwe Tata muli amasyo ma­vule, akuno naya mukuwayanizya amasyo. Ndichitele chisi awoo ngali nawanena.

Ndinapiti naya nawaya­nizya amasyo, ndinyoka njize mbasende tuwawa swensi, alyakuti mwize muka­wange nani kuno nkwikalanga.

Tomasi ati, Mfumu, tutamanyile kuno ukuya; nga tungamanya inzila yakufika kweneko wuli?