Popular Bible Verses from Mark 5

Share

Jesus‑em pikaa, “Panimni, ugpeqilleghpek naallghutestaaten. Nekeggmellelighluten aglaa, naallghutngwaaghumaaten.”

Aghnaqlu tawanteftuq aagtuqaataq qula maalghuk siipngaan ayumiqulleghni. Talwa aghallegtalghutet kayusiitaqsaghngaatni naallghusigalnguq, yeghlegi naavnginalghii. Qenwat maniqraggiighutkaq.

Legan atkuyaaghqek saaftaak kiitnginaamaghmi pikaq, enkaam elpekegkaa naallghutellgha qaamnami.

Jesus‑em iiggakun tuguluku aghnaghaghhaq pikaa, “Talitha kum!” (whaten pisiq, “Aghnaghaghhaq, maketesqamken!”)

Jesus‑em aleghquumaluku aghnaq, kevgat tagiluteng ungipaatkaat Jairus, “Panigen tuqumaaq, takusqegpenaanꞌngam Apeghtughistemun.” Jesus‑em nagateghngaaghmiki avelghaqiinaghluki Jairus pikaa, “Alingegpenang, taawanginaq ugpeghi.”

Taagken Jesus‑em yugem ilunganilnguq tughneghaq pikaa, “Uyuq seghleq tughneghaq, aani yugmeng!” Tughneghaam araghaataqaa, “Jesus, Ighnegha Kiyaghneghem, sanaqsinga? Akeqi Kiyaghneghmun ikfiqestesaghqaafqaama pisqellunga!” Jesus‑em aaptekaa, “Kinanguzin?” Yugem kiimsiqaa, “Aatqaqa ‘Uglaghllak’ qayughllak uglaghllagtukut!”