Popular Bible Verses from Mark 4

Share

Jesus‑em taghtughluni anuqallu imaghllugetlu ineghtekii, “Anuqa taaqingam, imaghlluget aghuliightek!” Enkaam ellmaaragutkelluku amsanaghllugughtekaq. Taagken maligsaaghteni aaptekii, “Sangafsi alingetsi? Taawa ugpeqigastengngaa?”

Saghiighayugllakat repall tallughyugllakat alingruughumaghmeng, enkaam aapqughaaghutkat ellmeggneng, “Kinangaawa una yuuk, talwa anuqemllu imaghllugetlu qaatkegkangat?”

Jesus angyallimi qavaq akisighluni. Maligsaaghtengita taghtughlluku pikaat, “Apeghtughista, tuquyaghngaamtaa pizikuut?”

Whatenllu pikii, “Nagatngwaaghtengnga! Tuunilleghpesistungwaaq Kiyaghneghem tuunelleqiisi, paninang tuunataghaghlleqiisi.

Whatenllu Jesus‑em pikii, “Ataneghpagullgha Kiyaghneghem whatetuq: yuuk ifkaghqughaquq piitutneng piitesiighaghvigmini. Piitutet piilluteng nawaaqut unugtuumaan, aghneghtuumaan yuuk qavaayaghngaan, teghhumayaghngaan, paninang piitutet nagwaaqut. Yugem nallukaqii naten nawaaqutangi.

Sigutelgukufsi nagatusighqameng, nagatek!”