Popular Bible Verses from Lucas 6

Share

Waabenarãmaa ne kaebea deásturu. Makaburu Dachi Akõreba machimaa ãreáturu deai, ẽ ãrea waabiruped̶a purrubarii kĩra. Ichiba deai machiba waabenarãmaa deabadau kĩra».

Ara mau kĩra ẽbẽra bia b̶uuba ichi sõd̶e ne bia uru b̶uud̶eeba ne bia berreabarii. Maamina ẽbẽra kachiruaba ichi sõd̶e ne kachirua uru b̶uud̶eeba ne kachirua berreabarii. Ẽbẽraba ichi sõd̶e kʉ̃risia b̶uu kĩra berreabarii.

»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

Ara mau kĩra machiba kĩra chuburia panásturu machi Akõre bajãad̶e b̶uuba kĩra chuburiabarii kĩra.

»Ab̶auba kachirua waud̶a ʉ̃rʉbena jararã́sturu, ab̶au bid̶a machiba kachirua wauped̶aad̶a ʉ̃rʉbena jararãamera. Ab̶a nebʉra bara nii arã́sturu, Dachi Akõreba machi nebʉra bara nuree a jararãamera. Machiba waabenarã kachirua wau panuu perdonaaduubʉrã, Dachi Akõreba machi kachirua wau panuu perdonai.

»Maamina machi, chi mʉ bed̶ea ũri panuurãmaa mʉʉba jaraaruu: machi kĩramaabadaurã kʉ̃riásturu maud̶e maarãmaa biꞌia wáusturu. Chi machimaa kachirua jaraaduumaa biꞌia jarásturu. Chi machi kachirua waubadau kakua Dachi Akõremaa ʉtaa id̶ísturu maarã aid̶amera.

Machiba kʉ̃ria panuu waabenarãba machimaa biꞌia waud̶ai. Maud̶eeba, ara mau kĩra machiba waabenarãmaa biꞌia wáusturu.

Ab̶auba bichi kĩedarr sĩiruubʉrã, chi osob̶arebena sid̶a ʉmʉase sĩmera. Ab̶auba bichi paru juakaa adauruubʉrã, bichi anab̶ari jʉ̃barii sid̶a ida adoebise. Ab̶auba bichimaa ne id̶iiruubʉrã, wãakarã́se. Mau awara bichiba uru b̶uud̶ebena ab̶auba juakaa adauruubʉrã id̶irã́se waya deabiyua.

»Bakuru kachiruaba nejõo bia chaukau. Ara mau kĩra bakuru biaba nejõo kachirua chaukau.

Bakuru chi nejõod̶eeba kuitaabadau. Ʉri bara b̶uuba higo jõ chaukau. Maud̶e cardoba uva chaukau.