Popular Bible Verses from Lucas 5

Share

Jaradeasiid̶e Jesusba Simonmaa jarasii: —Jãabae bichi jãba mar kẽsa adoeped̶a chi mard̶e ãtarraya jiratásturu.

Maamina Simonba panausii: —Jaradeabarii, dai ẽsabud̶e mard̶e b̶ata panuu ewarisid̶au. Maamina b̶eda b̶aꞌãra bid̶a jidaud̶aabasii. Maamina bichiba maka jara b̶uu baerã makai. Ara makʉd̶e ãchi mard̶e b̶ata kopaneesid̶au. B̶eda ãrea jidauduud̶eeba chi mard̶e ãtarraya kõawãmaa b̶uasii.

Maamina Jesús b̶esed̶e ẽbẽra wãꞌãemaa wãbachii Dachi Akõremaa berreai baita.

Mʉ, chi jipa nuree iui baita need̶awãe, maumaarã chi kachirua waubadaurã́turu iui baita nee b̶uu Dachi Akõremaa need̶amera.

Simón Pedro maud̶e ichi baara panuu bid̶a b̶eda ãrea jidauped̶aad̶a unusid̶aud̶e kãare kʉ̃risiad̶ai adua basii. Ichi ome panuu Santiago maud̶e Juan basii. Maarã Zebedeo warrarã basii. Maud̶e Simón Jesús daad̶e wãped̶a õdarrd̶e kob̶eeped̶a jarasii: —Mʉ Mechiu, bibuara b̶uu bichi mʉ jãkaabena ãyaa wãi, mʉ kachirua waubariid̶eeba. Jesusba Simonmaa jarasii: —Perarã́se, id̶iid̶eeba bichiba mʉ baita ẽbẽra jidaubarii b̶eei.

Jesusba ãchimaa jarasii: —Ẽpermowãe nureeba ʉrrmid̶ia deabarii jʉrʉd̶akau. Maumaarã chi ẽpermo nuréburu jʉrʉbadau.

Ãchiba jãba mar iikaa adoed̶aped̶a joma b̶ʉisid̶au. Maabae Jesús baara wãsid̶au.

Earab̶a Jesús puurud̶e b̶uasii. Maud̶e ẽbẽra kakua chau id̶aa nii neesii. Mau ẽbẽraba Jesús unusiid̶e ichi daad̶e õdarrd̶e kob̶eeped̶a daub̶ʉʉrʉ jeed̶a tʉped̶a naka chi chuburia id̶isii: —Mʉ Mechiu, bichiba kʉ̃ria b̶uubʉrã, mʉ poyaa aribiabii. Maud̶e Jesusba chi ẽbẽra ʉ̃rʉ jua kub̶uuruud̶e jarasii: —Maka wau kʉ̃ria b̶uu. ¡Aribiáse! Ara makʉd̶e chi kakua chau nibad̶a wãꞌãesii.

Maamina Jesús aude trʉ̃ poasii. Maud̶eeba ẽbẽrarã ãrea neebachid̶au ichiba jaradea b̶uu ũrid̶ai baita. Chi ẽpermo nuree neebachid̶au ichiba aribiabiamera.