Popular Bible Verses from လူႉၵႃႇ 13

Share

မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ ၵျူဝ်း​ၸႃး​ႁႂ်ႈ​လႆႈ​ၶဝ်ႈ​ၽၵ်း​တူ​ဢၼ်​ၵႅပ်ႈ​ၼၼ်ႉ​တႃႉ။ လွင်ႈ​မၼ်း​ၸမ်ႉ ပိၵ်ႉ​သမ်ႉ​ၵူၼ်း​ၼမ်​ၼႃႇ​မီး​ဢလူဝ်ႇ​ၶႂ်ႈ​ၶဝ်ႈ​သေ​ၵေႃႈ ၶဝ်​ဢမ်ႇ​တၢတ်ႈ​ၼိူင်ႇ​လႆႈ။

မီး​မႄႈ​ယိင်း​ဢၼ်​ၽီ​ၶဝ်ႈ​သိပ်း​ပႅတ်ႇ​ပီႊ​တဵမ်​တဵမ်​လႄႈ လႆႈ​ၶၢမ်ႇ​တၢင်း​ဢၼ်​တၢင်း​ၶႆႈ​တၢင်း​ပဵၼ်​ၸပ်း​တူဝ်​ယူႇ​ၼၼ်ႉ​ၵေႃႉ​ၼိုင်ႈ​ဢေႃႈ။ မၼ်း​ၼၼ်ႉ​လင်​ၵွင်ႇ​လႄႈ ဢမ်ႇ​ယဵတ်ႇ​တူဝ်​မၼ်း​လႆႈ​သေ​ဢိတ်း။- ယေႇသူႉ ​ႁၼ်​မၼ်း​ၼၼ်ႉ​သေ​ယဝ်ႉ၊ ႁွင်ႉ​မၼ်း​မႃး​တီႈ​မၼ်း​ၸဝ်ႈ​သေ​လႄႈ​လၢတ်ႈ​လႄႈ​ဝႃႈ၊ မႄႈ​ယိင်း​ဢိူၺ်း၊ မႂ်း​ၵၢင်း​လွတ်ႈ​တင်း​တၢင်း​ၶႆႈ​တၢင်း​ပဵၼ်​မႂ်း​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ​ၸိုင်။

မၼ်း​ၸဝ်ႈ​ဢဝ်​မိုဝ်း​တၢင်ႇ​ၵႃႈ​ၼိူဝ်​မၼ်း​လႄႈ မၼ်း​ၼၼ်ႉ​ႁွတ်ႈ​ထိုင်​တၢင်း​ဢၼ်​လုၵ်ႉ​ၸုၵ်း​သိုဝ်ႈ​သိုဝ်ႈ​လႄႈ ယွင်ႈ​ယေႃး​မုၼ်​ၵျေး​ၸူး​ၽြႃး​ပဵၼ်​ၸဝ်ႈ​ဢေႃႈ။

ၶဝ်​ၸိူဝ်း​ဢၼ်​တူၵ်း​လိုၼ်း​ၵမ်ႈ​ၽွင်ႈ တၵ်း​တူၵ်း​ဢွၼ်​တၢင်း​ဢေႃႈ။ ၶဝ်​ၸိူဝ်း​ဢၼ်​တူၵ်း​ဢွၼ်​တၢင်း​ၵမ်ႈ​ၽွင်ႈ တၵ်း​တူၵ်း​လိုၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ႁိူၼ်း​လုၵ်ႉ​လႄႈ ဢိုတ်း​ၽၵ်း​တူ​ဝႆႉ​သေ​ယဝ်ႉ၊ ပိၵ်ႉ​သမ်ႉ​သူ​ၸုၵ်း​ယူႇ​ၵႃႈ​ၼွၵ်ႈ​လႄႈ တွႆႇ​ၽၵ်း​တူ​ယူႇ​သေ​လႄႈ​လဝ်ႊ​ယွၼ်း​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း၊ ၽုၺ်ႇ​ပၼ်​တီႈ​ႁဝ်း​ၶႃႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​ၵေႃႈ၊ မၼ်း​ၼၼ်ႉ​တၵ်း​ၶိုၼ်း​လၢတ်ႈ​လႄႈ​ဝႃႈ၊ လွင်ႈ​ဢၼ်​သူ​ၼႆႉ​လုၵ်ႉ​ၵႃႈ​လႂ်​မႃး​ၸိုင်၊ ၵဝ်​ဢမ်ႇ​ႁူႉ၊ ဝႃႈ​ၼင်ႇ​ၼႆ​ဢေႃႈ။

ယဵင်ႈ​ၶႅၼ်း​မီး​ဢပႅတ်ႈ​ဢမ်ႇ​ၸႂ်ႈ၊ သူ​ၵႃႈ​မီး​တင်း​သဵင်ႈ​တင်း​လူင်​ၸိူဝ်း​ၼႆႉ​ၵေႃႈ၊ ပေႃး​ဢမ်ႇ​မီး​တၢင်း​ဢၼ်​ၶုၵ်း​ၸႂ်​လႆႈ​မႆႈ​ၸႂ်​ၸိုင်၊ တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​မိူၼ်​မိူၼ်​ၵၼ်​ဢေႃႈ ဝႃႈ​ၼႆ၊ ၵဝ်​ဝႃႈ​ဢေႃႈ မၼ်း​ၸဝ်ႈ​ဝႃႈ​ၼင်ႇ​ၼႆ​ဢေႃႈ။

မၼ်း​ၼၼ်ႉ​တၵ်း​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​သူ​ၸမ်ႉ၊ လွင်ႈ​ဢၼ်​သူ​လုၵ်ႉ​ၵႃႈ​လႂ်​မႃး​ၸိုင်၊ ၵဝ်​ဢမ်ႇ​ႁူႉ။ ၵူၼ်း​ၸိူဝ်း​ဢၼ် ႁဵတ်း​လွင်ႈ​တၢင်း​ဢၼ်​ဢမ်ႇ​တြႃး​တင်း​သဵင်ႈ​တင်း​လူင်​ၼႆႉ​ဢိူၺ်း၊ ဝႄႈ​သေ​ၵႃႈ​တီႈ​ၵဝ်​လႄႈ​ၵႂႃႇ​တႃႉ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​သမ်ႉ​ၶိုၼ်း​ဝႃႈ​ထႅင်ႈ​ၸမ်ႉ၊ မိူင်း​ၽြႃး​ပဵၼ်​ၸဝ်ႈ မိူၼ်​လွင်ႈ​တၢင်း​ၸိူဝ်ႉ​ၼင်ႇ​ႁိုဝ်။ တၵ်း​လႆႈ​ၼႄ​ပျႃး​ဢူႉပမႃႇ​ပုင်ႇ​မၼ်း​ၸိူဝ်ႉ​ၼင်ႇ​ႁိုဝ်။- မိူၼ်​ၸိူဝ်ႉ​ၼင်ႇ​ၽၼ်း​ၽၵ်း​ၵၢတ်ႇ​မဵတ်ႉ​ၼိုင်ႈ​ဢၼ်​ၵူၼ်း​ၵေႃႉ​ၼိုင်ႈ ဢဝ်​ၽုၵ်ႇ​သႂ်ႇ​ၵႃႈ​ၼႂ်း​သူၼ်​မၼ်း​ၼၼ်ႉ​ဢေႃႈ။ မဵတ်ႉ​ၼၼ်ႉ​ယႂ်ႇ​မႃး​လႄႈ​ပဵၼ်​တူၼ်ႈ​လူင်​ဢေႃႈ။ ၼူၵ်ႉ​ၵၢင်​ႁၢဝ်​တင်း​လၢႆ​ၵေႃႈ မႃး​လိုဝ်ႈ​မႃး​သဝ်း​ၵႃႈ​ၼႂ်း​ၵိင်ႇ​မၼ်း​ၶႃႊ​မၼ်း​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။