Popular Bible Verses from ငဝ်ႈၵမ်ႇၽႃႇ 28

Share

ၵဝ်​မီး​ယူႇ​လူၺ်ႈ​ၵၼ်​တင်း​မႂ်း​ဢေႃႈ။ ၵဝ်​တၵ်း​ၸွမ်း​ပႂ်ႉ​မႂ်း​ယူႇ​ၼႂ်း​တၢင်း​ဢၼ်​မႂ်း​ၵႂႃႇ​ၵူႈ​တီႈ​ၵူႈ​လႅၼ်​ၼၼ်ႉ​လႄႈ၊ သမ်ႉ​ဢဝ်​မႂ်း​ၶိုၼ်း​မႃး​ၸူး​ၵႃႈ​တီႈ​မိူင်း​ၼႆႉ​လူး​ၵွၼ်ႇ​ဢေႃႈ။ ၸူဝ်ႈ​ဢၼ်​ၵဝ်​ဢမ်ႇ​ပႆႇ​ႁဵတ်း​ၸွမ်း​ၵႃႈ​ၼင်ႇ​ဢၼ်​ၵဝ်​လၢတ်ႈ​တီႈ​မႂ်း​ဝႆႉ​ၼၼ်ႉ​ၸိုင်၊ ၵဝ်​တၵ်း​ဢမ်ႇ​ပႅတ်ႈ​မႂ်း​ဝႆႉ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။

ထႃႇဝရႃႉ​ၽြႃး​ၸုၵ်း​ယူႇ​ၵႃႈ​ၼိူဝ်​ၶူဝ်​လႆ​ၼၼ်ႉ​သေ​လႄႈ​ဝႃႈ၊ ၵဝ်​ပဵၼ်​ထႃႇဝရႃႉ​ၽြႃး​ဢၼ်​ဝႃႈ၊ ၽြႃး​ ဢႃႇပြႃႇႁၢမ်ႇ ၊ ၽြႃး​ ဢီႉၸၢၵ်ႈ ​ၼၼ်ႉ​ဢေႃႈ။ ၵဝ်​တၵ်း​ပၼ်​လိၼ်​ဢၼ်​မႂ်း​ၼွၼ်း​ယူႇ​ၼႆႉ​တီႈ​မႂ်း ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​ဢေႃႈ။

ယႃႇၵုပ်ႈ ​ၼၼ်ႉ​တိုၼ်ႇ​မႃး​ၵႃႈ​ၼႂ်း​တၢင်း​ဢၼ်​မၼ်း​ၼွၼ်း​လပ်း​ၼၼ်ႉ​သေ​ယဝ်ႉ၊ လၢတ်ႈ​လႄႈ​ဝႃႈ၊ ထႃႇဝရႃႉ​ၽြႃး​မီး​ယူႇ​ၵႃႈ​တီႈ​ၼႆႈ​ဢမၢၼ်ႇ​ၶၼ်​ပဵၼ်​ဢေႃႈ။ ၵဝ်​ဢမ်ႇ​ႁူႉ​လွင်ႈ​ဢၼ်​မၼ်း​ၸဝ်ႈ​မီး​ၼၼ်ႉ၊ ဝႃႈ​ၼင်ႇ​ၼႆ​လႄႈ၊

မိူဝ်ႈ​ၼၼ်ႉ​ ယႃႇၵုပ်ႈ ​ႁဵတ်း​သဵတ်ႈ​ၸႃႇ​ၵတီႉ​လႄႈ​ဝႃႈ၊ ပေႃး​ၽြႃး​ပဵၼ်​ၸဝ်ႈ​တၵ်း​မီး​ယူႇ​လူၺ်ႈ​ၵၼ်​တင်း​ၵဝ်၊ ပေႃး​မၼ်း​ၸဝ်ႈ​တၵ်း ၸွမ်း​ပႂ်ႉ​ၵဝ်​ၼႂ်း​တၢင်း​ဢၼ်​ၵဝ်​ၵႂႃႇ​ၵူႈ​တီႈ​ၵူႈ​လႅၼ်​ၼၼ်ႉ​လႄႈ ပၼ်​တၢင်း​ၵိၼ်​တၢင်း​ၶူပ်း​ပုၼ်ႈ​ဢၼ် တၵ်း​ၵိၼ်​တၵ်း​ၶူပ်း ဢိၵ်ႇ​တင်း ၶူဝ်း​ၼုင်ႈ​တၢင်း​မႆ ပုၼ်ႈ​ဢၼ်​တၵ်း​ၼုင်ႈ​တၵ်း​မႆ၊- ပေႃး​ၵဝ်​သမ်ႉ​လႆႈ​ၶိုၼ်း​ႁွတ်ႈ​ထိုင် ၵႃႈ​တီႈ​ႁိူၼ်း​ပေႃႈ​ၵဝ်​ၼိမ်​ၼိမ်​လီ​လီ​ထႅင်ႈ​ၸိုင်၊ ၵမ်း​ၼၼ်ႉ​ထႃႇဝရႃႉ​ၽြႃး​တၵ်း​လႆႈ ပဵၼ်​ၽြႃး​ၵဝ်​လႄႈ၊- မၢၵ်ႇ​ႁိၼ်​ဢၼ်​ၵဝ်​ပူၵ်း​တင်ႈ​ဝႆႉ ႁႂ်ႈ​ပဵၼ်​သဝ်​တီႈ​မၢတ်ႈ​တီႈ​တွင်း​ၼႆႉ​ၵေႃႈ တၵ်း​လႆႈ​ပဵၼ်​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​ဢေႃႈ။ တၵ်း​ဢဝ်​ၼႂ်း​ၵႃႈ​ဢၼ်​ၸဝ်ႈ​ႁဝ်း ဢဵတ်း​လူ​ပၼ်​ၼၼ်ႉ သိပ်း​ပုၼ်ႈ​ပုၼ်ႈ​ၼိုင်ႈ​ပုၵ်ႈ​ၸေႃႇ​တီႈ​ၸဝ်ႈ​ႁဝ်း​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၸိူဝ်ႉ​ၶိူဝ်း​မႂ်း​တၵ်း​ယႂ်ႇ​ၽႄႈ​ၼမ်​ၵိုၼ်း​မႃး​မိူၼ်​ၸိူဝ်ႉ​ၼင်ႇ​မုၼ်ႈ​လိၼ်​ဢေႃႈ။ တၵ်း​ၸွတ်ႇ​တူဝ်ႈ​ၵႂႃႇ​ၽၢႆႇ​တၢင်း​တူၵ်း၊ ၽၢႆႇ​တၢင်း​ဢွၵ်ႇ၊ ၽၢႆႇ​တၢင်း​ႁွင်ႇ၊ ၽၢႆႇ​တၢင်း​ၸၢၼ်း၊ သီႇ​ၼႃႈ​သီႇ​ၽၢႆႇ​ဢေႃႈ။ ၵႃႈ​ၼႂ်း​မႂ်း​ဢိၵ်ႇ​တင်း​ၸိူဝ်ႉ​ၶိူဝ်း​မႂ်း​ၼၼ်ႉ၊ ၵူၼ်း​မဵဝ်း​တင်း​သဵင်ႈ​တင်း​လူင်​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢေႃႈ။

တီႈ​ၼၼ်ႈ​ၸိုင်၊ မၼ်း​ႁွင်ႉ​ႁဵၵ်ႈ​ၸိုဝ်ႈ​ ပေႇသလႃႉ ​ဢေႃႈ။ ၸိုဝ်ႈ​ၵဝ်ႇ​သဵင်​ၵဝ်ႇ​ဝဵင်း​ၼၼ်ႉ​ၸမ်ႉ၊ ႁွင်ႉ​ႁဵၵ်ႈ​ၸိုဝ်ႈ​ လူႉၸႃႉ ​ဢေႃႈ။