Popular Bible Verses from ငဝ်ႈၵမ်ႇၽႃႇ 27

Share

ပိူဝ်ႈ​ၼႆ​လႄႈ ႁႂ်ႈ​ၽြႃး​ပဵၼ်​ၸဝ်ႈ​ပၼ်​ၼမ်ႉ​ၼၢႆး​ၵႃႈ​တီႈ​ၽႃႉ​ၵၢင်​ႁၢဝ်၊ ၶွၼ်ႇ​ၼမ်ႉ​မၼ်း​လိၼ်၊ ၶဝ်ႈ​ပိူၵ်ႇ၊ ၶဝ်ႈ​သၢၼ် တင်း​ၼမ်ႉ​ၸပိတ်ႈ ၼမ်​ၼႃႇ​တီႈ​မႂ်း​သေ​ၵမ်း​လူၺ်ႈ။- ႁႂ်ႈ​ၸိူဝ်ႉ​ၶိူဝ်း​ၵူၼ်း​တင်း​လၢႆ လႆႈ​ၶၢမ်ႇ​ႁဵတ်း​ၶႃႈ​တီႈ​မႂ်း​လႄႈ ႁႂ်ႈ​မဵဝ်း​ၵူၼ်း​တင်း​လၢႆ လႆႈ​ၵူမ်ႈ​ႁူဝ်​ၵွမ်း​ႁူဝ် ၵႃႈ​တီႈ​ၽၢႆႇ​ၼႃႈ​မႂ်း​သေ​ၵမ်း​လူၺ်ႈ။ ႁႂ်ႈ​မႂ်း​လႆႈ​ပဵၼ်​ၸဝ်ႈ​တီႈ​ပီႈ​တီႈ​ၼွင်ႉ​မႂ်း​လႄႈ ႁႂ်ႈ​လုၵ်ႈ​ၸၢႆး​မႄႈ​မႂ်း​တင်း​လၢႆ လႆႈ​ၵူမ်ႈ​ႁူဝ်​ၵွမ်း​ႁူဝ် ၵႃႈ​တီႈ​ၽၢႆႇ​ၼႃႈ​မႂ်း​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ၵိၼ်ႇ​ဝႃႈ​မႂ်း တင်း​သဵင်ႈ​တင်း​လူင်​ၼၼ်ႉ လႆႈ​ၶၢမ်ႇ​တၢင်း​ၵိၼ်ႇ​တၢင်း​ဝႃႈ​သေ​ၵမ်း​လူၺ်ႈ။ ႁႂ်ႈ​ၶဝ်​ၸိူဝ်း​ဢၼ်​ပၼ်​တၢင်း​လီ​တီႈ​မႂ်း​တင်း​သဵင်ႈ​တင်း​လူင် ၼၼ်ႉ လႆႈ​ၶၢမ်ႇ​တၢင်း​လီ​သေ​ၵမ်း​လူၺ်ႈ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၼၼ်ႉ​လၢတ်ႈ​လႄႈ​ဝႃႈ၊ မၼ်း​ၼၼ်ႉ​ၸိုင် ထုၵ်ႇ​လီ​ႁွင်ႉ​ႁဵၵ်ႈ​ၸိုဝ်ႈ​ ယႃႇၵုပ်ႈ ​ယဝ်ႉ​ဢမ်ႇ​ၸႂ်ႈ​ၶႃႈ​ႁိုဝ်။ မၼ်း​ပႅတ်ႉ​လႅၼ်​ၵဝ်​ၶႃႈ သွင်​ပွၵ်ႈ​လႄႈ​ပႄႉ​ၼႅင်ႇ​ၶႃႈ​ယဝ်ႉ။ မိူဝ်ႈ​ဢွၼ်​တၢင်း​ၼၼ်ႉ မၼ်း​ဢဝ်​ဢရႃႇ​လုၵ်ႈ​တူၼ်ႈ​ၵႂႃႇ​ၶႃႈ​ယဝ်ႉ။ တေႃႈ​လဵဝ်​ၼႆႉ​ၵေႃႈ မၼ်း​သမ်ႉ​ဢဝ်​တၢင်း​လီ​မင်ႇၵလႃႇ​ၵဝ်​ၶႃႈ​ၵႂႃႇ​ၶႃႈ​ယဝ်ႉ၊ ဝႃႈ​ၼင်ႇ​ၼႆ​သေ​ယဝ်ႉ၊ သမ်ႉ​ထၢမ်​လႄႈ​ဝႃႈ၊ ဢမ်ႇ​ႁႂ်ႈ​တၢင်း​လီ​မင်ႇၵလႃႇ​ၵိုတ်း​ဝႆႉ​ပုၼ်ႈ​ၵဝ်​ၶႃႈ​သေ​ပႃး​ၶႃႈ​ႁိုဝ်။ ဝႃႈ​ၼင်ႇ​ၼႆ​ဢေႃႈ။

ပေႃႈ​မၼ်း​ ဢီႉၸၢၵ်ႈ သမ်ႉ​ၶိုၼ်း​လၢတ်ႈ​လႄႈ​ဝႃႈ၊ တူၺ်း​လူး၊ တီႈ​ယူႇ​မႂ်း​တၵ်း​လႆႈ​မီး​ၵႃႈ​တီႈ​ဢၼ်​ၵႆ​ၵၼ်​တင်း​ၶွၼ်ႇ​ၼမ်ႉ​မၼ်း​လိၼ် ဢိၵ်ႇ​တင်း ၼမ်ႉ​ၼၢႆး ၵႃႈ​တီႈ​ၼိူဝ်​ၽႃႉ​ၵၢင်​ႁၢဝ်​ဢေႃႈ။- တၵ်း​လႆႈ​ဢဝ်​တင်း​လၢပ်ႇ​တင်း​လႅဝ်း​သေ​လႄႈ လဵင်ႉ​ဢသၢၵ်ႈ​မႂ်း​ဢေႃႈ။ တၵ်း​လႆႈ​ၶၢမ်ႇ​ႁဵတ်း​ၶႃႈ​တီႈ​ၼွင်ႉ​ၸၢႆး​မႂ်း​ဢေႃႈ။ ၵမ်း​လိုၼ်း​မိူဝ်ႈ​ဢၼ်​မႂ်း​သမ်ႉ​ၶိုၼ်း​ပႄႉ​ၼႅင်ႇ​မၼ်း​ၼၼ်ႉ​ၸိုင်၊ မႂ်း​တၵ်း​ႁၵ်း​ပႅတ်ႈ​ၵၢၼ်း​ဢၼ်​မၼ်း​တၢင်ႇ​ၼၼ်ႉ​သေ ၵႃႈ​တီႈ​ၶေႃး​မႂ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ဢေးသေႃး ​ၵေႃႈ လၢတ်ႈ​တီႈ​ပေႃႈ​မၼ်း​လႄႈ​ဝႃႈ၊ ဢူဝ်း​ပေႃႈ၊ တၢင်း​လီ​မင်ႇၵလႃႇ​ဢမ်ႇ​ၵိုတ်း​သေ​ၸိူဝ်ႉ​သေ​ပိူင်​ၶႃႈ​ႁိုဝ်။ ဢူဝ်း​ပေႃႈ၊ တီႈ​ၵဝ်​ၶႃႈ​ၵေႃႈ​ပၼ်​တၢင်း​လီ​သေ​ၵမ်း​ၶႃႈ၊ ပၼ်​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​သေ​လႄႈ​သမ်ႉ​ႁွင်ႉ​သႅၼ်ႇ​ထႅင်ႈ​လႄႈ​ႁႆႈ​ဢေႃႈ။