Popular Bible Verses from ငဝ်ႈၵမ်ႇၽႃႇ 22

Share

တီႈ​ၼၼ်ႈ​ၸိုင် ဢႃႇပြႃႇႁၢမ်ႇ ​ႁွင်ႉ​ႁဵၵ်ႈ​ၸိုဝ်ႈ ယေႇႁေႃးဝႃႇ​ယီႉရေႇ ​ဢေႃႈ။ မႅၼ်ႈ​ၼင်ႇ​ဢၼ်​ဝႃႈ​ၼၼ်ႉ​လႄႈ ၶဝ်​ယၢမ်ႈ​ၵႆႉ​ဝႃႈ၊ မၼ်း​ၸဝ်ႈ​တၵ်း​မႄး​ႁႅၼ်း​ဝႆႉ​ၵႃႈ​ၼိူဝ်​လွႆ​ထႃႇဝရႃႉ​ၽြႃး​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ယူႇ​တေႃႇ​ထိုင်​ႁွတ်ႈ​ဝၼ်း​မိူဝ်ႈ​ၼႆႉ​ဢေႃႈ။

မၼ်း​ၸဝ်ႈ​လၢတ်ႈ​လႄႈ​ဝႃႈ၊ မႂ်း​ဢဝ်​လုၵ်ႈ​ၸၢႆး​မႂ်း​ဢၼ်​မႂ်း​မီး​ၵေႃႉ​လဵဝ်​ၵူၺ်း၊ ဢီႉၸၢၵ်ႈ ​ဢၼ်​မႂ်း​ႁၵ်ႉ​ၼႃႇ​ၼၼ်ႉ​သေ​လႄႈ ၵႂႃႇ​ၵႃႈ​တီႈ​မိူင်း​ မေႃးရီႉ ​ပုၼ်ႉ​တႃႉ။ ဢဝ်​မၼ်း​ႁဵတ်း​ယိတ်ႈ​ဢၼ်​တုတ်ႇ​ၽႆး​လႄႈ ပုၵ်ႈ​ၸေႃႇ​ၵႃႈ​ၼိူဝ်​လွႆ​ဢၼ်​ၵဝ်​တၵ်း​ၼႄ​ပၼ်​ၼၼ်ႉ​တႃႉ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၸဝ်ႈ​လၢတ်ႈ​လႄႈ​ဝႃႈ၊ ယႃႇ​ပေ​တိူဝ်ႉ​ပေ​ထုၵ်ႇ​လုၵ်ႈ​ၸၢႆး​ဢွၼ်ႇ​ၼၼ်ႉ။ ယႃႇ​ပေ​ႁဵတ်း​ၵႃႈ​သင်​တီႈ​မၼ်း​လႃး​လႃး။ တေႃႈ​လဵဝ်​ၼႆႉ​ၵဝ်​ႁူႉ​လွင်ႈ​ဢၼ်​မႂ်း​ၵူဝ်​ယမ်​ၽြႃး​ပဵၼ်​ၸဝ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မႂ်း​ဢမ်ႇ​တွပ်ႇ​ဢမ်ႇ​ထဵင် တၢင်း​ဢၼ်​ၵဝ်​ယွၼ်း​ဢဝ်​လုၵ်ႈ​ၸၢႆး​မႂ်း​ဢၼ်​မီး​ၵေႃႉ​လဵဝ်​ၵူၺ်း​တီႈ​မႂ်း​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ဢႃႇပြႃႇႁၢမ်ႇ ​လၢတ်ႈ​လႄႈ​ဝႃႈ၊ လုၵ်ႈ​ၸၢႆး​ၵဝ်​ဢိူၺ်း၊ သူဝ်း​ဢွၼ်ႇ​ပုၼ်ႈ​ယိတ်ႈ​ဢၼ်​တၵ်း​တုတ်ႇ​ၽႆး​ၸိုင် ၽြႃး​ပဵၼ်​ၸဝ်ႈ​တၵ်း​မႄး​ႁႅၼ်း​ဝႆႉ​ပုၼ်ႈ​မၼ်း​ၸဝ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။​ၼင်ႇ​ၼၼ်​လႄႈ သွင်​ၶႃ​ၼၼ်ႉ ၵႂႃႇ​လူၺ်ႈ​ၵၼ်​လႄႈ၊

ၵဝ်​တၵ်း​ပၼ်​တၢင်း​လီ​တီႈ​မႂ်း​သေႇ​သေႇ​ဢေႃႈ။ ၸိူဝ်ႉ​ၶိူဝ်း​မႂ်း​ၵေႃႈ​ၵဝ်​တၵ်း​ႁႂ်ႈ​ယႂ်ႇ​ၽႄႈ​ၼမ်​ၵိုၼ်း​မႃး​ယူႇ​သေႇ​သေႇ​မိူၼ်​ၸိူဝ်ႉ​ၼင်ႇ​လၢဝ်​ၵၢင်​ႁၢဝ် ဢိၵ်ႇ​တင်း​မိူၼ်​ၸိူဝ်ႉ​ၼင်ႇ​မဵတ်ႉ​ႁိၼ်​မဵတ်ႉ​သၢႆး​ၼမ်ႉ​သမ်ႇ​မုၵ်ႉ​တြႃႇ​ၼၼ်ႉ​ဢေႃႈ။ ၸိူဝ်ႉ​ၶိူဝ်း​မႂ်း တၵ်း​လႆႈ​ဢုပ်ႉ​ပိူင်ႇ​ၽၵ်း​တူ​ဝဵင်း​ရၢၼ်ႇ​သူႇ​မၼ်း​တင်း​လၢႆ​ဢေႃႈ။- ၵႃႈ​ၼႂ်း​ၸိူဝ်ႉ​ၶိူဝ်း​မႂ်း​ၼႆႉ​ၵူၼ်း​မဵဝ်း​တင်း​သဵင်ႈ​တင်း​လူင်​တၵ်း​လႆႈ​ၶၢမ်ႇ​တၢင်း​လီ​မင်ႇၵလႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ဝၢႆး​ၼၼ်ႉ ၽြႃး​ပဵၼ်​ၸဝ်ႈ​ၸၢမ်း​တူၺ်း​ ဢႃႇပြႃႇႁၢမ်ႇ ​လႄႈ ႁွင်ႉ​ ဢႃႇပြႃႇႁၢမ်ႇ ​လႄႈ​ဝႃႈ၊ ဢႃႇပြႃႇႁၢမ်ႇ ​ဢိူၺ်း၊ ဝႃႈ​ၼင်ႇ​ၼႆ​လႄႈ ဢႃႇပြႃႇႁၢမ်ႇ ​ၵေႃႈ​လဝ်ႊ​လၢတ်ႈ​လႄႈ​ဝႃႈ၊ ၶႃႈ​ၸဝ်ႈ​မီး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ။

မိူဝ်ႈ​ၼၼ်ႉ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​ယူႇ​ၵႃႈ​ၼိူဝ်​ၵၢင်​ႁၢဝ်​ႁွင်ႉ​လႄႈ​ဝႃႈ၊ ဢႃႇပြႃႇႁၢမ်ႇ ​ဢိူၺ်း၊ ဢႃႇပြႃႇႁၢမ်ႇ ​ဢိူၺ်း၊ ဝႃႈ​ၼင်ႇ​ၼႆ​ဢေႃႈ။ ဢႃႇပြႃႇႁၢမ်ႇ ​လဝ်ႊ​လၢတ်ႈ​လႄႈ​ဝႃႈ၊ ၵဝ်​ၶႃႈ​မီး​ယူႇ​တီႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊

ဝၢႆး​ၼၼ်ႉ​တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး​သမ်ႉ​ယူႇ​ၵႃႈ​ၼိူဝ်​ၵၢင်​ႁၢဝ်​ႁွင်ႉ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊- ၵဝ်​တိူင်ႇ​တူဝ်​ၸဝ်ႈ​ၵဝ်ႇ​လႄႈ​ဝႃႈ၊ ၵွပ်ႈ​ပိူဝ်ႈ​ဢၼ်​မႂ်း​ႁဵတ်း​လွင်ႈ​တၢင်း​ၼႆႉ​လႄႈ ဢမ်ႇ​တွပ်ႇ​ဢမ်ႇ​ထဵင်​လွင်ႈ​လုၵ်ႈ​ၸၢႆး​မႂ်း​ဢၼ်​မီး​တီႈ​မႂ်း​ၵေႃႉ​လဵဝ်​ၵူၺ်း​ၼၼ်ႉ တီႈ​ၵဝ်​ၼၼ်ႉ​လႄႈ၊

ႁွတ်ႈ​ထိုင်​ၵႃႈ​တီႈ​ဢၼ်​ၽြႃး​ပဵၼ်​ၸဝ်ႈ မီး​ဢမိင်ႉ​ဝႆႉ​ၼၼ်ႉ​သေ​ယဝ်ႉ၊ ဢႃႇပြႃႇႁၢမ်ႇ ​တႄႇ​ႁဵတ်း​ယိတ်ႈပလၢင်ႇ ၵႃႈ​တီႈ​ၼၼ်ႈ​လႄႈ ဢဝ်​ၽိုၼ်း​သိူဝ်ႇ​ဝႆႉ​ယဝ်ႉ​ၸင်ႇ မတ်ႉ​ၽုၵ်ႇ​လုၵ်ႈ​ၸၢႆး​မၼ်း​ ဢီႉၸၢၵ်ႈ ​လႄႈ တၢင်ႇ​သႂ်ႇ​ၵႃႈ​ၼိူဝ်​ၽိုၼ်း​ဢၼ်​မီး​ၵႃႈ​ၼိူဝ်​ယိတ်ႈပလၢင်ႇ​ၼၼ်ႉ​ဢေႃႈ။