Popular Bible Verses from ငဝ်ႈၵမ်ႇၽႃႇ 21

Share

ထႃႇဝရႃႉ​ၽြႃး​ၼၼ်ႉ မႃး​လူ​မႃး​တူၺ်း​ ၸႃႇရႃႇ ​ၵႃႈ​ၼင်ႇ​ဢၼ် မၼ်း​ၸဝ်ႈ​ဝႃႈ​ဝႆႉ​မိူဝ်ႈ​ၼၼ်ႉ​လႄႈ ႁဵတ်း​တီႈ​မၼ်း​ၸွမ်း​ၵႃႈ​ၼင်ႇ​ဢၼ်​ၵတီႉ​ၸဝ်ႈ​မီး​ၼၼ်ႉ​ဢေႃႈ။

ၽြႃး​ပဵၼ်​ၸဝ်ႈ​ငိၼ်း​သဵင်​လုၵ်ႈ​ၸၢႆး​ဢွၼ်ႇ​ၼၼ်ႉ​လႄႈ၊ တမၢၼ်ႇ​ၵၢင်​ႁၢဝ်​ၽြႃး​ပဵၼ်​ၸဝ်ႈ ယူႇ​ၵႃႈ​ၼိူဝ်​ၵၢင်​ႁၢဝ်​မွၵ်ႇ​လၢတ်ႈ​တီႈ​ ႁႃႇၵရႃႉ ​ၼၼ်ႉ​လႄႈ​ဝႃႈ၊ ႁႃႇၵရႃႉ ဢိူၺ်း၊ မႂ်း​ပဵၼ်​ၵႃႈ​သင်။ ယႃႇ​ပေ​မႆႈ​ၸႂ်။ ၽြႃး​ပဵၼ်​ၸဝ်ႈ​ငိၼ်း​သဵင်​လုၵ်ႈ​ၸၢႆး​ဢွၼ်ႇ ၵႃႈ​ၼႂ်း​တီႈ​ဢၼ်​မၼ်း မီး​ၼၼ်ႉ​ယဝ်ႉ။- လုၵ်ႉ​တႃႉ။ ယုၵ်ႉ​ယွင်ႈ​လုၵ်ႈ​ၸၢႆး​ဢွၼ်ႇ​လႄႈ ဢဝ်​မိုဝ်း​ယိပ်း​ၵမ်​ဝႆႉ​တႃႉ။ ၵဝ်​တၵ်း​ႁႂ်ႈ​မၼ်း​ပဵၼ်​မဵဝ်း​ၵူၼ်း​ဢၼ်​ယႂ်ႇ​ၼႃႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၸႃႇရႃႇ ​ပႃး​ပတိၵ်ႉသၼ်ႇထေႇ​လႄႈ ၵိူတ်ႇ​လဵင်ႉ​လုၵ်ႈ​ၸၢႆး​တီႈ​ ဢႃႇပြႃႇႁၢမ်ႇ ​ၼႂ်း​မိူဝ်ႈ​ဢၼ်​ဢသၢၵ်ႈ​မၼ်း​ယႂ်ႇ​ၼႃႇ​ၼၼ်ႉ ၼႂ်း​ၶိင်ႇ​ဢၼ် ၽြႃး​ပဵၼ်​ၸဝ်ႈ​ဢဝ်​တင်း​ဢမိင်ႉ​ၸဝ်ႈ​ၶၢၼ်း​ဝႆႉ​ၼၼ်ႉ​ဢေႃႈ။

ၸႃႇရႃႇ ​ၵေႃႈ​လၢတ်ႈ​လႄႈ​ဝႃႈ၊ ၽြႃး​ပဵၼ်​ၸဝ်ႈ​ပၼ်​ဢၶႂၢင်ႉ​ဢၼ်​ၵဝ်​လႆႈ​ယုမ်ႉ​လႆႈ​ၶူဝ်​ယဝ်ႉ။ ၶဝ်​ၸိူဝ်း​ဢၼ်​ငိၼ်း​သတၢင်း​သဵင်​ၶၢဝ်ႇ​ၼၼ်ႉ​ၵေႃႈ၊ တၵ်း​ယုမ်ႉ​ၶူဝ်​လူၺ်ႈ​ၵၼ်​တင်း​ၵဝ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵူၺ်း​ၵႃႈ ၽြႃး​ပဵၼ်​ၸဝ်ႈ​လၢတ်ႈ​တီႈ​ ဢႃႇပြႃႇႁၢမ်ႇ ​လႄႈ​ဝႃႈ၊ ၵွပ်ႈ​ပိူဝ်ႈ​လုၵ်ႈ​ၸၢႆး​ဢွၼ်ႇ​တင်း​မႄႈ​ယိင်း​ၶႃႈ​မႂ်း​ၼၼ်ႉ​လႄႈ ယႃႇ​ပေ​ထၢင်ႇ​ဢမူႉ​ၼႆႉ​ပဵၼ်​ဢၼ်​ယၢပ်ႇ​ၼႃႇ။ ၸွမ်း​ၵႃႈ​ၼင်ႇ​ဢၼ်​ ၸႃႇရႃႇ ​လၢတ်ႈ​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​လႄႈ ထွမ်ႇ​ဢဝ်​ၵႂၢမ်း​မၼ်း​တႃႉ။ လွင်ႈ​မၼ်း​ၸမ်ႉ ၸိူဝ်ႉ​ၶိူဝ်း​မႂ်း​တၵ်း​တႄႇ​ၼႂ်း​ ဢီႉၸၢၵ်ႈ ​ၵူၺ်း​ဢေႃႈ။

ၵွပ်ႈ​ပိူဝ်ႈ​ဢၼ်​လုၵ်ႈ​ၸၢႆး​မႄႈ​ယိင်း​ၶႃႈ​ၼၼ်ႉ ပဵၼ်​ၸိူဝ်ႉ​ၶိူဝ်း​မႂ်း​လႄႈ၊ မၼ်း​ၵေႃႈ​ၵဝ်​တၵ်း​ႁႂ်ႈ​ပဵၼ်​မဵဝ်း​ၵူၼ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။