Popular Bible Verses from WANGEELA MAARQOS 13

Share

Anaaf jettanii hundumaa biratti kan jibbamtan in taatu; namni hamma dhumaatti jabaatee dhaabatu garuu in fayya? isaaniin jedhe*.

Akeekkadhaa, dammaqaas! Yerichi sun yoom akka ga'u hin beektan*.

Isaan dabarsanii isin kennuudhaaf yommuu isin geessan, isa dubbachuuf jirtaniif dura hin yaadda'inaa! Waanuma yeroo sanatti isiniif kennamu dubbadhaa malee; isintu dubbata miti'o, hafuura qulqulluutu dubbata malee*.

Waaqnii fi lafti darbuuf jiru; dubbiin koo garuu gonkumaa hin darbu? jedhe*.

Yesus itti fufee, ?Guyyicha sana yookiis yericha sana garuu abbaa koo duwwaatu beeka malee, ergamoonni waaqa irraa, ilmis, namni tokko illees kana hin beekan*.

Lolaa fi oduu lolaa yommuu dhageessan hin na'inaa, kan akkasii kun ta'uun irra jira; kun garuu amma illee dhuma isaa miti.

Egaa dammaqaa! Abbaan manaa yoom akka dhufu, galgala dhufaa fi halkan walakkaa dhufaa, iyya indaanqoo dhufaa fi ganama dhufaa hin beektan. Yeroo isin quba hin qabaatinitti yoo dhufe, utuu isin rafaa jirtanii akka isin hin argannetti, kanan isiniin jedhus nama hundumaan nan jedha, dammaqaa!? isaaniin jedhe.

Sabni saba irratti mootummaanis mootummaa irratti in ka'a; socho'i lafaa iddoo adda addaatti, beellis in ta'a; wanti kun garuu jalqaba ciniinsuu ti*.

Duraan dursee wangeelli saba hundumaatti lallabamuun in ta'a.

Baay'een, ?Ani Kristos? jechaa maqaa kootiin in dhufu, namoota baay'ees in wallaalchisu.

?Garuu of eeggadhaa, isaanoo yaa'ii garaa garaatti dabarsanii isin in kennu, manneen sagadaa keessattis in reebamtu, anaaf jettanii fuula abboota biyyaa, fuula moototaa duras in dhaabattu; kunis dhugaa isaanitti in ba'a.

Masiihonni sobaatii fi raajonni sobaa ka'anii, yoo danda'ame warra Waaqayyoof fo'aman iyyuu wallaalchisuudhaaf, milikkitaa fi dinqii adda addaa in argisiisu*.

Yesus itti dabalee, ?Guyyootuma sanatti rakkina kana booddee immoo biiftuun in dukkanoofti, jiinis ifa ishee hin laattu*. Urjoonni waaqa irraa in harca'u, humnoonni bantii waaqaa keessaas in raafamu*.