Popular Bible Verses from Seera Uumamaa 50

Share

Isin hamaa ana irratti akeektan, Waaqayyo garuu gaariidhaaf isa yaade; inni lubbuu namoota baay'ee oolchuudhaaf, akka amma ta'e jiru kana godhe*.

Yoseef immoo isaaniin,<<Hin sodaatinaa! Anatu iddoo Waaqayyootti ilaalamaa ree>>

Amma immoo isin, ijoolleen keessanis waan barbaachisu akka argattan ani nan godhaa, hin sodaatinaa!>> jedhe; inni dubbii garaa isaan ciibsu isaanitti dubbatee, isaan in jajjabeesse.

<<Maaloo, isa obboloonni kee sitti balleessan, hamaa si irratti hojjechuudhaan isa si yakkanis, isaaniif dhiisi!>> jedhaatii Yoseefitti himaa!>> nuun jedhe;<<Ammas immoo obboloonni kee,<<Irra-daddarbaa garboota Waaqayyo isa kan abbaa keetii, hadaraa nuuf dhiisi!>> siin jedhaniiru>> jedhan; Yoseef ergaa isaanii yommuu dhaga'e in boo'e.

Yoseef yommus obboloota isaatiin,<<Ani du'uufan jedha; Waaqayyo garuu isin in yaadata, biyya kana keessaa gara biyya isa Abrahaam, Yisihaq, Yaaqoobiif kennuuf kakatetti ol isin in baasa>> jedhe.

Yoseef ammas ilmaan Israa'eliin,<<Waaqayyo yommuu isin yaadatu, lafee koo asii fuutanii akka ol baatan anaaf kakadhaa!>> jedhe*.

Yoseef nama waggaa dhibbaa fi kudhanii yeroo ta'etti in du'e; namoonnis reeffa isaa qorichaan sukkuumanii gogsanii, biyya Gibxiitti bidiruu addaan miidhagfamee reeffa keessa ciibsuudhaaf hojjetame keessa in kaa'an.