Popular Bible Verses from Macaafa Moototaa Isa Duraa 3

Share

Kanaafis saba keetiif firdii qajeelaa kennuudhaaf, hamaa fi gaarii gargar baasee akkan beekuuf, yaada hubataa ana garbicha keetiif kenni! Kanaa'achi saba kee saba guddaa kana eenyutu bulchuu danda'a ree?>> jedhe.

kunoo, ani wanta ati na kadhatte siif nan godha; ani ogummaa fi hubannaa namni kanaan dura argatee hin beekne yookiis si'achi argachuu hin. dandeenye siif nan kenna.

Waaqayyo kana irratti Solomoon mootichaan,<<Ati ofii keetii bara dheeraa jiraachuu, sooromuu, diinota kee fixuuf utuu hin ta'in, saba qajeeltootti bulchuuf, firdii qajeelaas kennuu fi ogummaa waan ana kadhatteef

Akkasuma immoo wanta ati,<<Anaaf kenni!>> jettee ana hin kadhatin ulfinaa fi badhaadhummaa dabalee siif nan kenna; mootota bara kee keessa jiraatan hundumaa keessaa kan siin qixxaatu hin argamu*.

Abbaan kee Daawit akkuma godhe, atis akka jaalala kootti yoo jiraatte, seerrata koo fi abboommii koo yoo eegde, bara dheeraa akka ati jiraattu nan godha>> jedhe.

Waaqayyo achitti halkan abjuudhaan Solomoon mootichatti mul'atee,<<Waanuma akkan siif kennuuf barbaaddu ana kadhadhu!>> jedheen*.

<<Yaa Waaqayyo gooftaa koo, ani garbichi kee iddoo abbaa koo Daawit mootii akkan ta'u gooteetta; ani garuu ijoollee dha, attamitti akkan bulchus hin beeku.

Solomoon mootichi kana kadhachuun isaa Waaqayyoon in gammachiise.

Solomoon deebisee,<<Abbaan koo Daawit fuula kee dura amanamummaa fi qajeelummaadhaan, gara-tolinaanis waan deddeebi'eef, garbicha kee kanatti gaarummaa guddaa argisiifteetta; gaarummaa guddaa kanas isaaf eegdee, ilma iddoo isaa bu'ee bara kana teessoo isaa irra taa'u in kenniteef.

Ani garbichi kee saba kee warra ati fo'attee dhuunfaa kee godhatte, saba baay'ee guddaa isa baay'ina isaa irraa kan ka'e lakkaa'amuu hin dandeenye gidduun jira.