Popular Bible Verses from ራእዩ ለዮሐንስ 21

Share

ወያሴስል አንብዐ እምአዕይንቲሆሙ ወአልቦ እንከ ሞት ወኢላሕ ወኢገዐር ወኢሕማም አልቦ እንከ እስመ ኀለፈ ዘቀዳሚ ሥርዐት ወናሁ ተሐደሰ ኵሉ።

ወይቤ ዘይነብር ዲበ መንበሩ ናሁ እገብር ኵሎ ሐዲሰ ወይቤለኒ ጸሐፍ እስመ ዝንቱ ቃል እሙን ዘበጽድቅ ይከውን።

ወሰማዕኩ ቃለ ዐቢየ እምሰማይ ዘይብል ናሁ ቅድሳቱ ለእግዚአብሔር ምስለ ዕጓለ እመሕያው ኀደረት ምስሌሆሙ እሙንቱኒ ይከውንዎ ሕዝቦ ወውእቱኒ ይከውኖሙ አምላኮሙ ወይሄሉ እግዚአብሔር ምስሌሆሙ።

አነ ውእቱ አልፋ ወኦ ወአነ ቀዳማዊ ወአነ ደኃራዊ ወአንሰ ለዘጸምዐ እሁቦ ይስተይ እምነቅዐ ማየ ሕይወት በከንቱ።

ወዘሰ ሞአ ይወርሶ ለዝንቱ ወእከውኖ ሎቱ አምላከ ወውእቱኒ ይከውነኒ ወልደ።

ወእለሰ ይፈርህዎ እንዘ ኢየአምኑ ወያጌምኑ ሥጋሆሙ ወይቀትሉ ወይዜምዉ ወይገብሩ ሥራየ ወያመልኩ አማልክተ ወኵሎ ሐሰተ ይከውን ምንዳቤሆሙ ገሃነም ዘእሳት ወተይ ወዝንቱ ውእቱ ዳግም ሞት።

ወእምዝ ርኢኩ ሰማየ ሐዲሰ ወምድረ ሐዳሰ እስመ ሰሰለ ሰማይ ቀዳማዊ ወምድርኒ ቀዳሚት ወባሕርኒ ተስዕረት እንከ።

ወለሀገርኒ ቅድስት ሐዳስ ኢየሩሳሌም ርኢክዋ ወረደት እምሰማይ እምኀበ እግዚአብሔር ወድሉት ይእቲ ከመ መርዓት ሥርጉት ለምታ።

ወሀገራሰ ኢትፈቅድ ፀሓየ ወኢወርኀ ከመ ያብርሁ ላቲ እስመ ብርሃነ እግዚአብሔር ያበርህ ላቲ ወማኅቶታ ውእቱ በግዑ። ወየሐውሩ አሕዛብ በብርሃነ ዚኣሃ ወነገሥተ ምድርኒ ያመጽኡ ክብሮሙ ውስቴታ።