Popular Bible Verses from ራእዩ ለዮሐንስ 20

Share

ወለኵሉ ዘኢይትረከብ ጽሑፈ ውስተ መጽሐፈ ሕይወት ይወድይዎ ውስተ ገሃነም ዘእሳት።

ወእምዝ መጽኡ ኵሎሙ ምዉታን ዐቢያን ወንኡሳን ወቆሙ ቅድመ መንበሩ ወከሠቱ ኵሎ መጻሕፍተ ወለመጽሐፈ ሕይወትሰ እንተ ባሕቲታ ከሠትዋ ወተኰነኑ እልክቱ ምዉታን በከመ ጽሑፍ ውስተ ዝንቱ መጽሐፍ በከመ ገብሩ።

ወአግብአት ባሕርኒ ኵሎ ምዉታነ እለ ውስቴታ ወአግብኡ ሲኦል ወሞት ዘኀቤሆሙ ምዉታነ ወአግብአት ምድርኒ እለ ሀለዉ ውስቴታ ምዉታነ ወተኰነኑ ኵሎሙ በከመ ምግባሮሙ። ወወደይዎሙ ለሲኦል ወለሞት ውስተ ዐዘቅተ እሳት ዘምልእት ተየ ወሞትሰ ዳግም ገሃነም ዘእሳት ውእቱ።

ወእምዝ ርኢኩ መንበረ ዐቢየ ወጸዓዳ ወእምዘ ይነብር ዲቤሁ ጐዩ እምቅድመ ገጹ ሰማይ ወምድር ወኀጥኡ መካነ።

ወሶበ ኀልቀ ዐሠርቱ ምእት ዓመት ይትፈታሕ ሰይጣን እምነ ሞቅሑ። ወይወፅእ ያስሕቶሙ ለአሕዛብ እለ ውስተ አርባዕቱ መኣዝኒሃ ለምድር ወያስተጋብኦሙ ለጎግ ወለማጎግ ከመ ያስተቃትሎሙ ወኍልቆሙሰ ከመ ኆፃ ባሕር።