Popular Bible Verses from መልእክተ ዮሐንስ ሐዋርያ 1 4

Share

ወአልቦ ፍርሀት ውስተ ተፋቅሮትነ አላ ተፋቅሮሰ ፍጽምት አፍኣ ታወፅኣ ለፍርሀት እስመ ፍርሀትሰ መቅሠፍት ባቲ ወዘሰ ይፈርህ ኢኮነ ፍጹመ በተፋቅሮ።

ወአንትሙሰ እምነ እግዚአብሔር አንትሙ ደቂቅየ ወሞእክምዎ ለእኩይ እስመ የዐቢ ዘሀሎ ምስሌክሙ እምነ ዘውስተ ዓለም ሀሎ።

ወንሕነኒ ንትፋቀር በበይናቲነ ወናፍቅሮ ለእግዚአብሔር እስመ ውእቱ ቀደመ አፍቅሮተነ።

አኀዊነ ለንትፋቀር በበይናቲነ እስመ ተፋቅሮ እምነ እግዚአብሔር ውእቱ ወኵሉ ዘይትፋቀር እምነ እግዚአብሔር ውእቱ ተወልደ ወየአምሮ ለእግዚአብሔር።

ወዘሰ ኢያፈቅር ቢጾ ኢየአምሮ ለእግዚአብሔር እስመ እግዚአብሔር ፍቅር ውእቱ።

ወዝንቱ ውእቱ ፍቅሩ ለእግዚአብሔር ወአኮ ንሕነ ዘአፍቀርናሁ አላ ውእቱ አፍቀረነ ወፈነዎ ለወልዱ ይኅድግ ለነ ኀጣውኢነ።

አኀዊነ እመሰ ከመዝ አፍቀረነ እግዚአብሔር ንሕነኒ ይደልወነ ንትፋቀር በበይናቲነ።

ወበዝንቱ ተዐውቀ ፍቅሩ ለእግዚአብሔር ላዕሌነ እስመ ለወልዱ ዋሕድ ፈነዎ ውስተ ዓለም ከመ ንሕዮ በእንቲኣሁ።

ወእመሰ ቦ ዘይብል አፈቅሮ ለእግዚአብሔር ወይጸልእ ቢጾ ሐሳዊ ውእቱ እስመ ዘያፈቅሮ ለቢጹ ዘይሬኢ ለእግዚአብሔርኒ ያፈቅሮ ዘኢይሬኢ ወዘሰ ኢያፈቅር ቢጾ ዘይሬኢ እፎ እንከ ይክል አፍቅሮቶ ለእግዚአብሔር ዘኢይሬኢ።

ወኵሉ ዘየአምን ከመ ኢየሱስ ውእቱ ወልደ እግዚአብሔር እግዚአብሔር ይነብር ምስሌሁ ወውእቱኒ ምስለ እግዚአብሔር።

ወዝንቱ ትእዛዝ እንተ ብነ እምኔሁ ከመ ናፍቅሮ ለእግዚአብሔር ወናፍቅር ቢጸነ ወኵሉ ዘያፈቅሮ ለእግዚአብሔር ያፈቅር ቢጾ።

አኀዊነ ለኵላ መንፈስ ኢትእመንዋ አላ አመክርዋ ለመንፈስ ለእመ እምኀበ እግዚአብሔር ይእቲ እስመ ብዙኃን ሐሳውያን ነቢያት መጽኡ ውስተ ዓለም እለ ኢየአምርዎ ለኢየሱስ ክርስቶስ። ወበዝንቱ ተአምርዋ ለመንፈሰ እግዚአብሔር ወለመፈሰ ሐሰት ኵላ መንፈስ እንተ ተአምን ከመ ኢየሱስ ክርስቶስ መጽአ በሥጋ ሰብእ እምነ እግዚአብሔር ይእቲ።

ወኵላ መንፈስ እንተ ኢተአምን በኢየሱስ ክርስቶስ ከመ መጽአ በሥጋ ሰብእ ኢኮነት እምነ እግዚአብሔር ወዝንቱ ውእቱ ሐሳዌ መሲሕ ዘሰማዕክሙ ከመ ይመጽእ ወይእዜኒ ወድአ መጽአ ወውስተ ዓለም ሀሎ።