Popular Bible Verses from መልእክተ ዮሐንስ ሐዋርያ 1 5

Share

ወዛቲ ይእቲ እንተ ብነ ገጽ በኀበ እግዚአብሔር እስመ ዘሰአልነ ኀቤሁ በስመ ዚኣሁ ይሰምዐነ።

ወእመሰ ርኢነ ከመ ዘሰአልናሁ ይሰምዐነ ነአምር እንከ ከመ ብነ ስእለት ዘሰአልነ በኀቤሁ።

እስመ ዛቲ ይእቲ ፍቅሩ ለእግዚአብሔር ከመ ንዕቀብ ትእዛዞ ወትእዛዙኒ ኢኮነ ክቡደ። እስመ ኵሉ ዘተወልደ እምእግዚአብሔር ይመውዖ ለዓለም ወዛቲ ይእቲ ሙአቱ እንተ ሞኦ ለዓለም ሃይማኖትክሙ።

ዘሀለወ ምስሌሁ ወልድ ቦቱ ሕይወት ወዘሰ ኢሀሎ ምስለ ወልደ እግዚአብሔር አልቦቱ ሕይወት ዘለዓለም።

ወዘንተ ጸሐፍኩ ለክሙ ከመ ታእምሩ ከመ ብክሙ ሕይወት ዘለዓለም እለ ተአምኑ በስሙ ለወልደ እግዚአብሔር።

ነአምር ከመ ኵሉ ዘተወልደ እምነ እግዚአብሔር ኢይኤብስ አላ ዘተወልደ እምእግዚአብሔር የዐቅብ ርእሶ ወእኩይኒ ኢይስሕጦ።