መልእክተ ዮሐንስ ሐዋርያ 1 5

ምዕራፍ 5

በእንተ ሙአተ ዓለም

1 # ዮሐ. 1፥12-13። ኵሉ ዘየአምን ከመ ኢየሱስ ውእቱ መሲሕ እምነ እግዚአብሔር ተወልደ ወኵሉ ዘያፈቅሮ ለወላዲ ያፈቅር ዘኒ ተወልደ እምኔሁ። 2#3፥19። ወበዝንቱ ነአምር ከመ ናፈቅሮ ለወልደ እግዚአብሔር ሶበ አፍቀርናሁ ለእግዚአብሔር ወገበርነ ትእዛዞ። 3#ማቴ. 11፥30፤ 14፥15-23። እስመ ዛቲ ይእቲ ፍቅሩ ለእግዚአብሔር ከመ ንዕቀብ ትእዛዞ ወትእዛዙኒ ኢኮነ ክቡደ። 4#ዮሐ. 1፥13፤ 16፥33። እስመ ኵሉ ዘተወልደ እምእግዚአብሔር ይመውዖ ለዓለም ወዛቲ ይእቲ ሙአቱ እንተ ሞኦ ለዓለም ሃይማኖትክሙ። 5#4፥4፤ 1ቆሮ. 15፥57። ወመኑ ውእቱ ዘይመውኦ ለዓለም ዘእንበለ ዘየአምን ከመ ኢየሱስ ውእቱ ወልደ እግዚአብሔር። 6#ዮሐ. 9፥34-35፤ 20፥21-23። ወከመ ውእቱ መጽአ በማይ ወበደም ወበመንፈስ ኢየሱስ ክርስቶስ። 7#ማቴ. 28፥19፤ ዮሐ. 15፥26-27። ወአኮ በማይ ባሕቲቱ አላ በማይኒ ወበደምኒ ወበመፈስኒ ውእቱ ዘስምዐ ይከውን ከመ መንፈሰ ጽድቅ። 8እስመ ሠለስቱ እሙንቱ እለ ይከውኑ ስምዐ መንፈስ ወማይ ወደም ወሠለስቲሆሙ አሐዱ እሙንቱ። 9#ዮሐ. 8፥17-18። ወእመሰ ስምዐ ሰብእ ንነሥእ ስምዐ እግዚአብሔር የዐቢ ወዛቲ ይእቲ ስምዑ ለእግዚአብሔር እንተ ስምዐ ኮነ ላዕለ ወልዱ። 10#2ጴጥ. 1፥15-19። ዘየአምን በወልደ እግዚአብሔር ሀለወ ስምዐ እግዚአብሔር ምስሌሁ ወዘሰ ኢየአምን በወልዱ ሐሳዌ ረሰዮ እስመ ኢየአምን በስምዕ እንተ ስምዐ ኮነ እግዚአብሔር ላዕለ ወልዱ። 11#ዮሐ. 1፥4፤ 3፥36። ወዛቲ ይእቲ ስምዑ ለእግዚአብሔር እንተ ወሀበነ ሕይወተ ዘለዓለም ወዛቲ ይእቲ ሕይወት እንተ በወልዱ። 12ዘሀለወ ምስሌሁ ወልድ ቦቱ ሕይወት ወዘሰ ኢሀሎ ምስለ ወልደ እግዚአብሔር አልቦቱ ሕይወት ዘለዓለም።

ዘከመ ይደሉ ጸልዮ ለዘአበሰ

13ወዘንተ ጸሐፍኩ ለክሙ ከመ ታእምሩ ከመ ብክሙ ሕይወት ዘለዓለም እለ ተአምኑ በስሙ ለወልደ እግዚአብሔር። 14#2፥28፤ 3፥21፤ ዕብ. 4፥16። ወዛቲ ይእቲ እንተ ብነ ገጽ በኀበ እግዚአብሔር እስመ ዘሰአልነ ኀቤሁ በስመ ዚኣሁ ይሰምዐነ። 15ወእመሰ ርኢነ ከመ ዘሰአልናሁ ይሰምዐነ ነአምር እንከ ከመ ብነ ስእለት ዘሰአልነ በኀቤሁ። 16ወእመሰ ቦ ዘርእዮ ለካልኡ እንዘ ይኤብስ አበሳ ዘኢኮነ ለሞት ለይስአሎ ለእግዚአብሔር ከመ ያሕይዎ ለዘይኤብስ አበሳ ዘኢኮነ ለሞት እስመ ቦ አበሳ ዘለሞት ወኢኮነ በእንቲኣሁ ዘእብል ከመ ይስአሉ ሎቱ። 17እስመ ኵላ አበሳ ኀጢአት ይእቲ ወቦ ጌጋይ ዘኢኮነ ለሞት።

በእንተ አእምሮተ እግዚአብሔር

18 # 3፥9። ነአምር ከመ ኵሉ ዘተወልደ እምነ እግዚአብሔር ኢይኤብስ አላ ዘተወልደ እምእግዚአብሔር የዐቅብ ርእሶ ወእኩይኒ ኢይስሕጦ። 19#ገላ. 2፥4። ነአምር ከመ እምእግዚአብሔር ንሕነ ወዓለምሰ ኵሉ በእኪት ይቀውም። 20#ዮሐ. 17፥3፤ ሮሜ 9፥5፤ 1ጢሞ. 3፥16፤ ዕብ. 1፥8። ወነአምር ከመ ወልደ እግዚአብሔር መጽአ ወወሀበነ ልበ ከመ ናእምሮ ለእግዚአብሔር ዘበጽድቅ ወሀለውነ በአሚን በወልደ እግዚአብሔር በኢየሱስ ክርስቶስ ውእቱ ዘበአማን እግዚአብሔር ወብነ ሕይወት ዘለዓለም። 21#ዘፀ. 20፥3፤ 1ቆሮ. 10፥14። ባቲ ደቂቅየ ዕቀቡ ርእሰክሙ እምነ አማልክት።

መልአት መልእክተ ዮሐንስ ቀዳሚት።

ወስብሐት ለእግዚአብሔር አሜን።

Currently Selected:

መልእክተ ዮሐንስ ሐዋርያ 1 5: ሐኪግ

Highlight

Copy