Popular Bible Verses from መልእክተ ዮሐንስ ሐዋርያ 1 3

Share

ደቂቅየ ኢንትፋቀር በቃል ወበልሳን ዘእንበለ በምግባር ወበጽድቅ።

ወበዝንቱ አእመርናሁ ለተፋቅሮ እስመ ውእቱ መጠወ ነፍሶ በእንቲኣነ ወንሕነኒ ይደልወነ ንመጡ ነፍሰነ በእንተ ቢጽነ።

ወርእዩ ዘከመ እፎ ፍቅሩ ዘወሀበነ አብ ከመ ውሉደ እግዚአብሔር ንኩን ወኮነሂ ወበእንተዝ ኢፈተወነ ዓለም እስመ ሎቱኒ ኢያእመሮ።

ወዘሰ ይገብራ ለኀጢአት እምነ ጋኔን ውእቱ እስመ ቀዳሚሁ ሰይጣን አበሰ ወበእንተ ዝንቱ አስተርአየ ወልደ እግዚአብሔር ከመ ይስዐር ግብሮ ለጋኔን።

ወኵሉ ዘይትወለድ እምእግዚአብሔር ኢይገብራ ለኀጢአት እስመ ዘርዐ ዚኣሁ ወቦቱ ይነብር ወኢይክል አብሶ እስመ እምእግዚአብሔር ተወልደ።

ወዘቦቱ መንበርተ ዝንቱ ዓለም ወይሬኢ ቢጾ ጽኑሰ ወየዐጹ ምሕረቶ እምኔሁ እፎ ይነብር ፍቅረ እግዚአብሔር ላዕሌሁ።

ወዘሰ የዐቅብ ትእዛዞ ቦቱ ይነብር ወውእቱኒ ቦቱ ወበዝንቱ ነአምር ከመ ይነብር ምስሌነ እምነ መንፈሱ ቅዱስ ዘወሀበነ።

ወበዝንቱ እሙራን ውእቶሙ ደቂቀ እግዚአብሔር ወደቂቀ ጋኔን ወኵሉ ዘኢይገብራ ለጽድቅ ኢኮነ እምእግዚአብሔር ወከማሁ ዘኢያፈቅር ቢጾ።

እስመ ዛቲ ይእቲ ትእዛዝ እንተ ሰማዕክሙ ትካት ከመ ንትፋቀር በበይናቲነ።

ወኢታንክሩ አኀዊነ እመሂ ዓለም ጸልአክሙ።