Popular Bible Verses from Wongeela Yohaannisii 19

Share

Yesuus daadhii dhangaggoottuu san unee, “Hobbaate!” jedhe. Achiin duuba mataa gad qabatee lubbuu ifii dabarsee kenne.

Yesuus amma wonni marti hobba'iisa beekee, akka Barreeffam Woyyichi muummowuuf, “Ani dheebodhe” jedhe.

Yesuus haadha ifiitii fi barataa ifii ka jaallattu achi dhaabbatanuun yennaa dhagge, haadha ifiitiin, “Haadha tiyya, inni ilma keeti” jedheen. Achiin duuba barattichaan, “Isiin haadha teeti” jedheen. Yennaa sanii jalqabee barattichi mana isaa akka leetuuf gara mana ifii isii fudhate.

Isaan yennaa gara Yesuusii dhufane ammoo, inni duraanu akka du'eeru dhagganee, miila isaa hin cassine. Te'uu malee, loltoota keessaa tokkochi, woraana ifiitiin cinaacha Yesuusii woraannaan yoosuma dhiigii fi bisaan keessaa jige.

Kun Barreeffam Woyyichi, “Lafeen isaa tokkolle hin caddu” ka jedhu akka muummowuuf te'e. Barreeffam Woyyichi dhibiin, “Isaan kama woraanane san hin dhaggan” jedha.

Achiin duuba Yesuus fannoo ifii ba'atee, gara addee, “Buqii mata'aa” yookiin afaan Ibrootaatiin, “Golgootaa” jedhantu dhaqe.

Worri loltootaa dameelee qore'ee irraa kallacha hujanee mataa isaatitti kayane; achiin duuba woyaa dhiillee itti uffisane.